[قطراات الندى]

المشاركة الأصلية كتبت بواسطة يارب أزل همي هلا حبيبتي قطوره أخخخخخخخخخخخخخخخخخخخخخخخخخخ أخ يارب ماأقول إلا ياهم عندي رب كبيــــــــــــر أقسم بالله العظيم {إحساس مايوصفه حتى لوإنسانه عايشته} كثير من الحريم تلجأ للحل{الطلاق} وبعد ماتصحى على نفسها تندم موووووت شقول يالغاليه والله ثم والله يخوني التعبير وتعجز أصابعي على كتاابة الألم اللي عشته وجالسه أعيشه أقسم بالله رغم أني ماطلبت الطلاق وماأخطيت بحقه ويشهد رب الكون بس تدرين أذوق المر كل يوم كابوس ومافارقني لو لحظه وحده ,,,وأقسم باللي رفع السماوات السبع بلاعمد {بقلبي جرح لو أجتمعت أمة محمد تداويه والله مايبرى طوول ماأنا عايشه على الدنيا} تدرين ساعات أقول {أستغفرالله}ليته مات ولاطلقني على الأقل لقب {أرمله}أهووووون كثير من {مطلقه} وبغض النظر عن نظرة الناس {هذي شيء ثاني} شوقي لحياتي قبل ,,شوقي لمملكتي ودنيتي قبل شوقي لجلستي ببيتي وأهتمامي فيه إحساسك ببيتك غير إحساسك عند أهلك تحسين بروعة المكان مهما كان بسيط وأقسم لك تاخذين راحتك أكثر وصعب حييل بعد ماتطلعين من عند أهلك عروس ترجعين مطلقه والله ياهو هم كبير{إن شاءالله الأهل ماهم مقصرين} بس إحساس فظيع وشعور غريب كرهت الدنيا والناس كرهت الشارع والطلعات كرهت الضحكه والفرح {سكن فيني التفكير والهم} وهد الحييل {كأنه نفسيتي أنفتحت للكتابه خخخخخخ}} نصيحتي لك يااعمري أرجعي لبيتك وأصبري على زوجك وتوكلي على الرحمن وأطلبيه وأدعي وأستغفري كثير بنية صلاحه وتصدقي وبقولك شيء{إنك لاتهدي من أحببت ولكن الله يهدي من يشاء} {ومابين غمضة عين وانتباهتها يغير الله من حال إلى حال} أرجعي قبل تندمين صدقيني يالغاليه ,,,أنتي اللحين بموقف والله غيرك كثير يحسدك عليه {{قولوا ماشاءالله}} قطوره أخوانك اليوم معاك بكره يتزوجون ويتسهلون وكلن بيلتهي ببيته وعياله وصدقيني بالأخر تبيقين لحالك ...........؟ أنا ماأبي أخوفك بس حبيت أنبهك من حبي لك... {{أرجعي لبيتك ومثل ماقلت لك بأمر الله تنحل أمورك لأنه بالتهديد الرجال مايجي} نصيحه {{الرجل جبل بالعناد وطفل بالمساايره؟؟؟}} لاتنسيني من دعواتك وأنتظرك تبشريني خلاص ياادبه لمي عفشك وروحي بيتك بلا دلع حريم فرحي عيالك وفرحيني يلاقومي بسرعه ماأشتقتي تنظفين بيتك وتسوين قهوة العصريه وتجلسين بالصاله وتتقهويين...؟

يا رب أزل همي //

هالمرة كلماتك أقوى ماني عارفة علشاني قريت للأخت الغالية

ضاعت أحلامي وبعدها قريت عنك ,,,,

والله إن عيني دمعت لكلامك وأسأل الله العلي العظيم إنو يردك لزوجك

عما قريب وألحين أوعدك ثم أوعدك ثم أوعدك إني لأرجع لزوجي من أول

ما يجي عندنا ولا أتغلى ولا شئ ,,,,

الله لا يحرمني منكم يا رب تجاربكم وحرصكم على كتابتها لي بصراحة ماني

عارفة وشلون أشكركم وإن شاء الله نتقابل بأي مجمع ونتعرف على بعض

بس بعد الإختباراات ^ _ ^ وش رآيكم ؟؟؟

وإن شاء الله عما قريب أسمعكم الأخبار إللي تسركم

أما بالنسبة ليه ماني قادرة أتخيل وجة زوجي وشلون تبوني عاد أعيش معاة

هذا الشئ إللي ماني قادرة أستوعبة بس بأروح للشيخ وإن شاء الله تنحل العقدة

لكن ليش الحسد بصراحة الناس للناس وإن شاء الله ما بينا حسد وإللي يحب الحسد

يقول ما شاء الله تبارك الرحمن أنا مو ناقصة والله كفاية الهم إللي فيني وكمان بعد

أولادي عني وقراري الصعب إللي ماني قادرة أتخذة لأن أهلي كلهم مايبوني أرجع

إلا أبوية لوحدة وأنا حبيت أستفيد من آرائكم بإذن من الأخ غايتي الرضا

الله يسعد قلبه برجوع زوجتة والمولود الجديد