[الشــاهينة الأزديــة]

عزيزتي ضحى ... مرحبا بك ..

ولا فيه إزعاج أبد .. بس ماشاء الله عليك يا ضحى .. أنتِ ماقلتِ في توقيعك:

نفسي عزيزة من جفاني جفيته
..... حتى ولو يصعب على القلب فرقاه

الصاحب المغرور يبقى في بيته
.......والله ماأهين النفس وادور رضاه

والحمدلله إنك طلعت وفيّه وماأنت ِمن اللي يبور في رفيقه .. ورفيقتك وأنا أختك ما تخلت عنك ولا جفتك .. ولا .. ولا ..
بس ترا ابن آدم يتغير حتى على نفسه .. والأسباب تلقينها في الظروف اللي مايقدر صاحبها يتحكم فيها .. إما عائليه أو اجتماعيه او نفسيه او مرضيه ..

فـ ماتدرين وش عند صديقتك هذي .. أنت قلتي إنها :

قريبتي وصديقتي وأختي ومن أجد بالحديث معها راحتي وتجد بالحديث معي راحتها ..

وش اللي صار .. والتغير هذا كذا فجأة ...

يمكن عندها ظروف نفسيه .. ويمكن توقعت منك إنك تصاريحها وتواجهينها .. وشايفت منك تصدّي ..
فـ كان من الأحسن إنك تبينين لها إنك مستغربه من تصرفاتها معك ...وإنك ما تقعدين تحللين تصرفاتها بينك وبين نفسك إنها يمكن غيرانه مني ومن مستواي الدراسي والمادي والفكري ..

لا .. الله يرضى عليك ويوفقك ..

** الأخوة والصداقة ماتنمحي كذا في يوم وليله .. ودام إن تخصصك رياضيات .. فـ بقولك ..

استخدمي الجبر المجرد .. في جبر أية احتمالات سلبية في تحليلك لتصرفات صديقتك ..
وحطي إحصائية زمنية شامله لـ جميع تصرفاتها ووقفاتها معك ومواقفها معك .. وذكرياتكن مع بعض .. و ..و ..

ثم ..

وازني بين النسب الإيجابية والعكس .. وأنت بعد ماشاء الله عليك مخك رياضي ويقدر يتفهم الأمور ويستنتج الظواهر ..

وراح تفهمين وش أقصد ..

ولاحظي ياعزيزتي ..

إنك عددتي بس المواقف اللي ضايقتك منها .. وهي على فترات متباعده ومحدودة .. يعني هي مالها موااقف طيبه معك أبد ..

بس أنا بعد بسألك .. كيف هي ردة فعلك على كلامها وردودها عليك .. أنتِ تبينين لها إنك أرفع منها في المستوى الفكري وإنك .. وإنك ...
فـ ترا بعد يمكن غيرك يقول لها نفس الكلام إذا تعليمها أقل .. وهذا يسبب لها عقدة والعقدة لابد تظهر لها عقد مع الأيام .. ويزيد التجافي ...

اللي عليك الحين .. وإذا بتقتنعين بـ رايي ..

إنك تشوفين مناسبة وتواجهينها بإسلوب يبين إنك لا زلت ِ تعزّينها وإن مكانتها الأوليه هي نفسها .. وإنك بس مستغربه من اللي قاعد يصير .. وإنك منتي بـ فاهمه ليه هي متغيره ... ومن هالكلام ..

وإن عزّت عليك نفسك من المواجهه .. فـ خلي أحد يتوسط بينكن ويتفهم وش سبب ذالتجافي والتغير ووش سبّته...

وتأكدي إنها رااح تسرد لك جميع ماشافته منك = اللي شفتيه منها
وبالأخير .. بس يطلع الشيطان إنه وده يفرق بينكن ...

وإن شاء الله يارب ترجع المياه إلى مجاريها وتصفى القلوب ...

وتطلع نتيجة هـ المعادلة /

نهــــــــا ( صداقتكم ) = كمية غير معرفه ..

ونتمنى إنا نلقى توقيعك اللي تحت بـ أبيات ثانيه تعكس مضمون الود اللي بينكن ..

وأتمنى إني أكون قدرت أساعدك .. والله يحفظك ..