بسم الله الرحمن الرحيم
امتنعت الكلمات عن التعبير .... ورفض القلم أن يسير ...ولكن أبى القلب إلا أن يبوح بما يخالجه من مشاعر تفيض شكراً وثناءًا امتنانا .
قالوا تحبه ؟ قلت وأكثر من الروح
حبه تفاعل بين دمي وروحي
قالوا تحبه؟ قلت من حيث ما أروح
حبه كما ظلي معي وين ما أروحي
قالوا تحبه؟ قلت بالحيل مجروح
لو غاب عني شهر زادت جروحي
قالوا تحبه ؟ قلت ما فيه مملوح
مثله على ظهر البسيطة يلوحي
قالوا تحبه ؟ قلت والصدر مشروح
أكثر من العطشى لشرب القروحي
قالوا تحبه ؟ قلت والصوت مبحوح
أكثر من الصحراء لغيث منوحي
قالوا تحبه ؟ قلت وافرح به فروح
فرحة جيوش النصر وقت الفتوحي
قالوا تحبه ؟ قلت والقلب مذبوح
افرح بشوفه جد ماهي مزوحي
قالوا تحبه ؟ قلت ماني بممدوح
فضله كبيييير ولا يريد المدوحي
قالوا تحبه ؟ تنتظر منه مصلوح
قلت المصالح قط ماهي طموحي
قالوا تسامح ؟ قلت مليون مسموح
أقولــها للي بطــبعه سمــوحــي
قالوا تبوح ؟ قلت لجل ايش ما أبوح
أميّ غلاها مجد مكتوب في اللوح
دايم عطاها نهر ماهو شحوحي
تسعة شهور في بطنها لحم مطروح
وعامين تدعي بكفين مفتوح
إذا اعتراني شـــر قـامـت نتـوحــي
تبدلي الأفراح والحزن مكبوح
ترخص لي الغالي وترجى صلوحي
ما الحق جزاها لو تكلمت بمدوح
وأيضا لو أسكنتها بأعلى الصروحي
أرجوا لها التوفيق من رب سبّوح
أطلب لها الله يوم قصرت سبوحي
يالله يا منجي على المركبة نوح
تحفظ لي أميّ من جميع التروحي
فلك مني خالص الحب والتقدير يا أيتها الحبيبة..
أعجبتني فنقلتا لكم فتقبلوها