[wjn]

رجعت لمعرفي القديـم ..

رديت على موضوعك بمعرفي [ لانـا ]

شيء طبيعي ان المرآءه تتغير هرموناتها اثناء الحمل وتكره مو بس شخص

معين اشياء كثيره ومنهم من تحب اشياء ماتقدر تستوعبها هذا شيء طبيعي

وخاصه اذا كان الحمل اول حمل .. كثير نسمع من تأكل الفحم ؟؟؟ ولا التراب

ويقولك متوحمه فيه يعني مثلاا تحبه اجل في احد ياكل فحم !؟ بس هذا

شيء مو بيدها غصب عليها فيه تغيرات بجسمها تحصل مالهاا سيطره عليها

ولا فيه أحد منا يبي هالتعب ولا يبي يفترق مع زوجـه اكيد مافيـه بس الله قاله

في محكم تنزيله فقوله تعالى في سورة لقمان:( حَمَلَتْهُ أُمُّهُ وَهْناً عَلَى وَهْنٍ ) [لقمان: 14].

فسـر كلمة وهن !؟ أي وهناً واقعا على وهن... فإن حمل المرأة يقارنه التعب

من ثقل الجنين في البطن والضعف من انعكاس دمها إلى تغذية الجنين ولا يزال

ذلك الضعف يتزايد بامتداد زمن الحمل، فلا جرم أنه وهن على وهن

وقال سبحانه ( حَمَلَتْهُ أُمُّهُ كُرْهاً وَوَضَعَتْهُ كُرْها ) [الاحقاف: 15].

أنها حملته في بطنها متعبة من حمله تعباً يجعلها كارهة لأحوال

هذا الحمل ووضعته بأوجاع وآلام جعلتها كارهة لوضعه.

ولك مثال ..

زوجة خالي .. كانت عند اهلها اثناء حملها ولا يربطها بزوجها اي شيء

وطلبت الطلاق وكان اذا دق جرس باب بيت اهلها وقالو الاطفال

من عند الباب وقال فلان ؟؟ تطمر تركض فوق وتقفل الباب عليها

والله هـ الموقف انا شفته ماحد قال لي .. وامورها جداً كانت متعسره ..

طبعاً الي قال نفس ؟ والي قال شايفه عليه زله !؟ تعرف

حكي الناس الله المستعان

صبر هو قال خلوها عند اهلها الى ماتولد وبعد الولاده

نشوف وش يصير .. قالو له زوجتك وديناها للمستشفى تبي تولد ..

راح لها اول ماطلعت دخل عليها وتحمد لها بالسلامه ..

ماتحسن وضعهم على طول ؟

صبر بعد كم اسبوع وبعدها على شوي شوي تحسنت امورهم

ورجعت لبيته

والان معها ولدين وبنتين وبنتها الي صار لها الوحم ذا بثالث متوسط ..

ولاكأن جرى شيء

قال تعالى { إِنَّ الإِنْسَانَ خُلِقَ هَلُوعًا إِذَا مَسَّهُ الشَّرُّ جَزُوعًا }

لاتجزع من هذا الامر ولله الحمد انت وضعك احسن من غيرك

وهذي امور طبيعيه يجيب على الانسان الصبر ثم التصبر والاحتساب

حتى اذا الله مااراد انها ترجع لك هذا اعتبره من الخير لك فـ الله يعلم ماهو

الصالح لك برجوعها او عدمــه .. لكن انصحك بالاستخاره دائمااً

وتوكل على الي خلقك وخلقها

أسأل الله لك الفرج القريب انه سميع مجيب