[حبة المحبه]

بتتمنى حقك يرجعلك من اللى ظلمك ادخلى وشوفى حكايتى

شوفت اللى محدش شافة
اتبهدلت انظلمت ادمرت انكسرت وانا لسة عندى24سنةلسة فى بداية حياتى



قعد وفكرت
لقيت مش هيخدلى حقى غير اللى خلقنى وخلقك
قولت يـــــــــارب
حقى عندك مضيعوش
سنة ونص وانا بقول حسبى الله ونعم الوكيل
ومفيش اى تغير بالعكس حياتى بتدمر وهو حياتة بتتظبط
فكرت تانى وقولت اعمل اية
ملقتش ادامى غير ربنا اقربلة اكتر اوى
وبدءت اصلى قيام الليل كل يوم لو ركعتين
وابكى وانا بصلى واتكلم مع ربنا واحكيلة كل اللى جواية
وجبت ورقة وقلم وكتبت جواب لربنا هتقولى علية عبيطة
لا مش عبيطة كتبت كل حاجة لربنا عن حياتى فى الجواب
مخبتش عنة حاجة هو عارف طبعا كل حاجة
بس احنا يابشر فى حاجات كتير فى حياتنا بتقع مننا
او مش بتقع مننا احنا اللى بنحب نوقعها ونقول محصلش
بس على مين
يبقة اولا نكون صرحة مع ربنا من جوانا علشان لما نقول
يــــــــــــــــــــــــارب
نلاقى ربنا بيقولنا نعم
الاستغفار بقة هو دة اللى رجعلى حقى

"من لزم الإستغفارجعل الله له من كل هم فرجا
ومن كل ضيق مخرجا ورزقه من حيث لايحتسب"


وبقيت بستغفر ربنا كتير مش بحسب كام مرة
طول منا قاعدة بستغفر وانا باكل وانا بشرب
وانا ادام الكمبيوتر قبل منام وانا فى الشارع
لقيت لسانى اتعود عليها
استغفرى ربنا حتى لو مش حاسة بيها
الكلمة دى والله اللى هتقربك من ربنا
والله شهر بالظبط ولقيت موبيلى بيرن
ارد لقيت اللى كسرنى ودمرنى هو اللى انكسر
وبيطلب منى انى اسامحة ههههههههههه
هتقولولى بتضحكى لية هقولك كنت بتمنة
اعيش لحد مسمع الكلمة دى
بجد قربوا من ربنا اوى صلوا كتير
اقرأ قران كتير الاذكار الاستغفار
ابكى وانتى بتصلى
كلمى ربنا وهو والله سامعك
محدش شجعنى انى اعمل كدة
انا اللى مسكت ايدى بايد نفسى
بس لو اى حد محتاجلى
انا هقف جانبة وهشجعة
يمكن ساعتها ملقتش اللى يمدلى ايدة

الظلم والكسرة هما اللى علمونى
محدش يقول الصدمات كتير وهدتنى
الصدمات دى دروس بنتعلمها
بس الشاطر اللى ينجح
وانا فخورة بنفسى يارب
الصدمات قوتنى
بالله عليكم اى واحدة تعبانة مضايقة مكسورة مجروحة
تقوم وتصلى ركعتين لله
وتشكرة انها عايشة
وتحسن الــظــن بالله
انتى الوحيد اللى مسؤلة انك تسعدى نفسك
ومتقرنيش حياتك بغيرك
عندمـــا تستيــــقظ في الصبــــاح .. و أنت على قــيد الحياة .. فأحمدي الله على ذلك ..