قلت القصيد وهلت العين ماها.........................وأصبر على تصريف بقعا والأيام

عندي لها قلب عنيد وطاها............................وهي تبي تاطاه عام باثر عام

عندي سلاح الصبر لكن بلاها..........................تبلاك حتى في منامك والأحلام

نفسي تبي لو ساعة من هناها..............ساعة بلى هوجاس وأفكار وأوهام

من القرايب والأباعد عناها.....................ماعاد في الدنيا قريبين وأرحام

ولا صديقة صادقة في هواها................كيد ومكر تخطيط تدبير باحكام

كله حسد؟ مدري أو انه مناها.................تكون مثلي مادرت ويش قدام؟

أحمل جبال الهم أرض وسماها.....................ولا أحد بي حس في همي أعوام

تكفين يا دمعة على الخد ماها.............يسيل لا يشوفك على الخد نمام

لاشك ياتي يوم زين تباهى...................فيه القمر والشمس والنجم مانام

سعادة تطري ولا أحدن طراها......................أنا شريت وبعت وأصبحت مقدام..

خلاص يادنيا خذيتي هناها؟....................تبي تخلي عمرها كله صيام

بس الصلاة وذكر ربي عطاها.................وآيات ربي صار عندي بها ألهام....


...........................بارعة.................. ...........