[همسة حق]

السؤال الي يخطر في بالي الحين هو
أنا عندي طفلين الأول سنتين والثانيه ما كملت شهر
سؤالي كيف ممكن أنظم حياتي بوجود هالضيفه الجديده الي نومها أبداً مش منتظم وكل شوي تقعد تصيح وما ترتاح وتسكت إلا لما أهزها بحضني
يعني بعد شهر أو شهر ونص لو رجعت لبيتي ما أدري كيف أبا تصرف ؟؟ أحس حياتي بتنقلب كلها فوق تحت وخاااااايفه كثير من هالشي خصوصاً إن زوجي ما يحب الفوضى
الي مهون علي إن أخوها ينام بوقت محدد لكن هي وش أسوي معها
أفيديني الله يجزاك خير؟؟؟؟؟؟
أختي أتمنى إنك تستفيدين بالي أكتبه وأتمنى من الله أن ينفعك به .
بنتك الله يبارك لك فيها ويخليها لك ويبارك لك في أخواها
بنتك يا حبيبتي لسه توك ولادتيها وهي محتاجه لحضنك لأنك عالمها بعد ما خرجت من بطنك اللي كان محتويها فهي تحس بغربه فحضنك يعتبر ملاذها من هالعالم إلي يخوفها باتساعه .
عموما هي الحين صغيره ومن تكملين الأربعين بيتعدل نومها وبيصير كل ثلاث ساعات تصحى وهي أكيد الحين كل ثلاث ساعات تصحى لو دققتي على تواقيت نومها لو ما في شئ يبكيها مثلا مغص أو صداع برأسها .
لو فيها مغص شربيها هالمشروب المتكون من ملعقه صغيره ينسون + شمر + حبة البركه + حلبه صفراء
"الحلبه علشان ما تكون فيها مراره من الليل نقعيها في كوب ماء والصبح فوريها مع البقيه وحطي لها المشروب بكميات قليله ما دامها صغيره يعني إلين الربع وحليه لها بعسل طبيعي أو سكر نبات مطحون .
هالمشروب بينظف بطنها من الأوساخ والغازات وبيهديها وبيخليها تنام بإسترخاء ..
لو فيها صداع .
"علشان تعرفين فيها صداع حطي يدك الثنتين بحنيه على جوانب رأسها وشوفي النبض لو شفتيه سريع وقوي معناتها البنت مصدعه .
ذوبي قطعة مر صغيره بماء دافي وإدهني رأسها فيه وخلف الإذن ورقبتها من خلف وإنتظري شويه يجف .
لا تفكرين إنه بيوسخ ملابسها ولكن فكري إنها صغيره وما تتحمل الصداع وللعلم هذي الطريقه سواء الطفل فيه صداع ولا ما فيه نحطها له علشان يرتاح وتخف عنه روائح العطور الفرنسيه والبخور القوي على الأطفال .
من يتعدل نومها بيتعدل وقتك ولا تشغلين بالك بالكركبه اللي بتحصل بحياتك شهرين أو ثلاث شهور كل شئ بيرجع لوضعه .
أنتي حاولي تكون مواعيد نومك أنتي وزوجك وعيالك مضبوطه .
إنضابط مواعيد النوم تخليك تتحكمين بحياتك ومن يطلع زوجك للعمل نامي ساعتين أو ثلاث ترتاحين فيها من عناء سهرك بالليل .
شغل بيتك خلصيه أول بأول تغسلين الملابس الصبح المغرب تكوني كويتهم ورصيتهم بالدولاب .
نفس الشئ شغل المطبخ خلصي أول بأول وما دامكم اُسره صغيره فالموضوع سهل هوني الموضوع أنتي ولا تقلقين فكري بصحتك الحين وصحة بنتك وشغل البيت ملحوق عليه . وبعدين إتفقي مع زوجك يساعدك ويمسك معك البنت الين تخلصين شغلك .
لا تنسين شرب الحليب والسوائل بكثره والفاكهه الطازجه وأخذ فيتاميناتك إلي بتساعدك على تحسين مزاجك