السلام عليكم ورحمة الله وبركاته
اختي الكريمه
صدقيني مو كل نظره تتسمى حب يمكن النظرات هذي تكون كلها اعجاب ورغبه في الحصول على اشياء في نفسه
او يمكن الشخص يحبج بس مايقدر يقول اي شي لان اخلاقه ماتسمح له انه يتكلم بهالشي
واولا واخيرا تصرفات الشخص تدل على مافي نفسه
واذا سمحتي حق نفسج انج اتكونين وسيله سهله ويقع الحب بينكم بالكلام وغيره صدقيني ثقي بالله ان الشك مايفارق قلبوكم
وهذا الكلام عن تجربه شخصيه لان الشك صعب على الانسان انه يبعده عن قلبه وراح يصير هم كبير ومرات يهدم الحياة ويفرق الاحباب
واوصيج لاتسوين اي شي يغضب الله وخلي حبج على نيه صافيه وبما يرضي الله
صدقيني اذا بدى الشي بالحرام عمره مايدوم
وعليج بالدعاء
واقول لج كلمات ما انساها بحياتي قالها لي شخص بالمنتدى جزاه الله الف خير ووفقه وحفظه وين ماكان
( من ترك شيئأ لوجه الله عوضه الله خيراً منه )
فما بالج في شئ تحبه نفسج وتركتيه لوجه الله
( ان وعد الله حق )
اصبري اختي الكريمه والله يعوضج باللي تحبه نفسج
وتمنياتي لج بالتوفيق والله يكتبلج الي فيه الخير