[شموخ*]

المشاركة الأصلية كتبت بواسطة lamo0 اسمحي لي اختي شموخ اذا نسيتي تقولين انه غير مذهبه فاكيد واجزم انك غفلتي عن اشياء كثيره وتناسيتي مستقبلهم ومستقبل أولادهم ,, ترى مو شي سهل تغيير المذهب ,, يعني اذا الشاب غير مذهبه عشان حب من السهل عليه انه يغير حياته وقيمه واخلاقه بكل سهوله (اللي مافيه خير لاهله مافيه خير لغيره) ,, يكون في علمك ترى الحب يولد بقوه ويضمحل الى ان يتلاشى ,, لاتفرحين انتي وصديقتك بتغيير مذهبه عشان حبه لها ,, ياليت تفكرين انتي وصديقتك بأبعاد المشكله لاني اشوف انك تحاولين جاهده تقريب المسافات بينهم في الوقت الحالي وبمجرد مايجتمعون راح تتركينهم في شأنهم لان هذا الاساس برأيك وأي حاصل يحصل بعدين انتي مالك دخل فيه .. صديقتك ماهي اختك !! لو تخيلتي اختك مكان صديقتك لاسمح الله راح يكون موقفك وتفكيرك وحتى حلولك بمثل ماتفكرين بصديقتك ؟! لا راح يختلف .. ادري ان كلامي يمكن يضايقك ومايعجبك لكن صدقيني الواقعين في مشكله من النادر انهم يفكرون صح وبنظره ابعد ,, اذا كان عندك حل ياليت توضحينه لنا واحنا راح نقيمه لك ونبين الخطأ من الصواب .. على فكره انا من السعوديه وعندنا مافيه احد ياخذ مذهب غير مذهبه وحتى لو صار بالصدفه تأكدي بأن الشيخ يأمر بالانفصال , ليه ؟ لان المشاكل ماراح تكون بين فردين راح تكون بين عائلتين , قبيلتين , مذهبين ,, وكلما كبرت المشكله صار حلها اصعب ,, اعتقد بأنك اماراتيه ومااعرف كيف القوانين عندكم اذا الشيخ ملك بين مذهبين وهو عارف انهم مذهبين متضادين .. على العموم انا ذكرت حل وهو رأيي في ردي السابق واتمنى من الله انكم راح تلقون افضل الحلول السلميه . شكرا لتقبلك ردي

اشكرك ياقلبي ع كلامك ..
احنا ف بلادنا عادي يتزوجون بمذاهب مختلفه ، يعني ماشي فرق
وبحياتي ماسمعت احد تطلق بسبة اختلاف المذهب ..
ومو بس غير مذهبة عشان يحبها
هو قايل انه بدله من قناعه
والمشكلة اهل صديقتي يعرفوا هالشي
وهو يصلي معاهم من زمان ..
عندي وحدة من صديقاتي متزوجة واحد غير عن مذهبها وعندها منه عيال وعايشه معاه مبسوطه ..

بس يمكن انتوا بالسعودية عندكم غير !!!

وصدقيني هو لو كان مافيه خير كان تركها ولعب عليها .. والا انتي شو رايج ؟؟

امها اصلا موافقه ..
بس المشكله ابوها شادين عليه اخوانه عشان مايزوجها اياه ..
والسبب بس يخافوا كلام الناس ..
والله الكل يشهد بأخلاقه وطيبته حتى ابوها يقول نفس الكلام..

عيل والله لو صاير هالشي مع اختي وشفت الشاب متمسك فيها كان ساعدتها.