[ɧαறS]

ياخيبة اللّـي رجلهم وطيت على ارض الجـــنوب

ياخيبة اللّـي رجلهم وطيت على ارض الجـــنوب
مــــــــادروا إنّ الهــــــزايم مقبـــــــله باســبابها

ياحلم قــــــايدهم نـصر وانّه لهالرقـــــعه كسوب
يخســــــى يــــجوب بأرضها ولاّ يبي يهـــــنابها

حوثي تـــقدّم مجترئ قصده يبـــي شبّ الحروب
دامه بغـــــى حرب(ن)أكيـــــده يبشر بمـــطلابها

هاجت ميادين الوطن من كـلّ حدب وكـلّ صوب
متـــــصدّيه متــــــــــفانيه ثم كشّـــــرت بانـيابها

منهو يفــــكّر يقترب جاله لهــب نــار(ن)شبوب
ولاّ سيــــــوف(ن)صارمه توفي بحـقّ اصحابها

المــــملكه متـــحدّيه كل خاين(ن)ولاّ لــــــعوب
ترميـــه بسْــــلاح الوقيد ومايـــــــدوس ترابـها

كل عابـثن بارض الوطن كل حاقدن فعله نهوب
دارت عليـــــه الدّايره ثم ماحــــسب لحــسابها

تسْــحق موالين الشّغب من قبل ينوون الهـروب
اللّــــي نواياهم رديّـــــــــه حقدهم ماصـــــابها

أرض السّــــعودي يالعواذل مايدنّـــسها غلوب
هذي بلاد(ن)شامــــــخه كـــــلّ الدّيار تهــابها

هذي البلاد الطّاهره حــــنّا على ارضــه ننوب
واجب علينا نصـــــونها ونوقف بوجه ارهابها

يالله تحفظ هالوطن واحمي يارب اهل الجنوب
من كلّ نغزات الـــــــعدو يالله ردّ اصــــحابها

والله ينصرنا ع هالحوثيين الملاعيين ويهدهم يارب
ويرجع الجنود سالمين غانمين

راقت لي .....اتمنى تعجبكم ....

حماك ربي يارضي ارض الجنوب