اعتذر اخوي اني نسيت موضوعك الاول وكنت ادعي ربي ان يفرج كربتك وكل مسلم على امل انك حسمت الامر بنفسك لانها تخصك والاعضاء مجرد وسائل مساعده الله يجزيهم الخير ,,
على العموم موضوعك الثاني يدل على انك انت اللي مستعجل على الطلاق ,, اخوي شوي تعقل لان بمثل هذا الامور ماتنحل بالساهل (الزواج-الطلاق-السفر للدراسه) .
انت ماراح يضرك شي لو تركتها عند اهلها حتى لو سنه كامله هي اللي متضرره اولا واخيرا ,, قرارك (لان بيدك العصمه)في طلاقك في ضروف قاسيه مثل اللي يكب قاز على النار ,, لاتزيد النيران وتكبرها ..
فكر شوي : انت طلقتها قبل الولاده وبعدين لاانت المستفيد ولا هي (يكون في علمك ترى كرامتك محفوظه سواء زوجتك عندك او بعيده عنك ولا تسمع الاطراف اللي تناقض تفكيرك السوي)
2- انت تركتها عند اهلها لما بعد الولاده فيه احتمالين :
أ- اما انها تصر على رايها وتطلب الطلاق وتاكد انها متزوجتك قبل يمكن لسمعتك يمكن لشي ثاني لكن حب مثل ماذكرت مااظن والله اعلم
ب- انها ترجع عن قرارها وتتحسف وهنا يجي دورك بالاحتواء (على حسب ظني ان زوجتك كرامتها عندها عاليه يمكن تدمر بيتها عشان الكرامه +العناد)
3- واذا جينا نتكلم عن حقوقك بانك متزوج ولاانت متزوج - فكر بهالشي بعد الولاده اسلم للامور وتكون في وضع متزن مع نفسك والمحيطين بك , عندك نيه زواج بالثانيه من حقك مع اني مكرهه بهالشي , لكن ليه تطلق الاولى خليها على ذمتك الا ان كانت تبي تتزوج وتستقر مع شخص ثاني من حقها (في هالنقطه انت تشوف مستحيل انك تطلقها عشان تتزوج غيرك لانها لازالت على ذمتك)
4- بعد الولاده ماراح تتلكم انت وياها عن مشكلتكم لانها بتصير ثلاث مشاكل وان شاء الله هو بيكون الصلح الي بينكم وعوده المياه لمجاريها .
5- كان بودي مع ان هذا مستحيل تكون لزوجتك بصمه هنا عشان مانظلم احد منكم , واستخير في كل امورك لانك راح تسأل رب العباد بان الخيره في رجوعها او في ابتعادها .. والله يكتب لك ولها كل خير وسعاده .آمين
نصيحه عامه للاخوان : التلفظ بالطلاق مهما كانت المراءه عسره تراها مهلكه لها , هالكلمه تجيب اجلها وتفقدها صوابها , من الاسهل على المراءه انها تشوف زوجها ميت ولا تشوفه متزوج عليها او مطلقها .