[أم عيالي]

المشاركة الأصلية كتبت بواسطة السلطاانه " بماأنك ...ملاحظه هذا الموضوع .. طيب كلمى الوالده .. تخف شوي عليه .. وتكلمه باللين ... لان الرجل يعجبه التودد .. اكثر من رفع الصوت .. والله يرزقكِ .. برهماااا ................................

آمين الله يسمع منج
عزيزتي تصرفهم هذا علنا يعني ممكن عند ناس او فالسيارة اي وقت يعني مو انا بس اللي ملاحظه الكل ملاحظ حتى الناس الغرب
هو ياكل ومايراعي صحته وهي تخاف وتعصب عليه او احيانا تشيل الحلا او التمر من جدامه وهو يجره فتعصب ويعاندها وياكل
وهي تعصصصصصصصصصصب اكثر وتهاوشه وتصير هوووووووشه مكرره ومعاده
وسالفه باللين جربتها وقالها لها الوالد اكثر من مره بس هي ماتقدر تمسك نفسها لانها عجزت في ابوي من كثر ماتنصحه وتخاف عليه لانه احيانا يتنوم في المستشفى بسبب السكر ومع هذا ومع انه يتعب ويقول اخر مره الا انه ينسى او يستسهل
وعجزت افهم امي باللين يايمه باللييييييييين مافي فااااااااايده لا هي تكلمه باللين ولا هو يعرف يحاسب على نفسه من السكر

ومره اكل الوالد تمر وماكان يحاسب وكثر منه فعصبت عليه امي وهاوشته وخذت صحن التمر كله وطلعت فقام ابوي يشكيلي من اسلوبها انها تعصب عليه وانه ادرى بنفسه وهي مالها خص
وكنت كل مره اصبره واقوله امي ماتقصد ومن هالكلام لكن هالمره من حرتي منهم قلت لابوي :
(صراحه يبه انت ماتحاسب على صحتك وامي ماعندها اسلوب الله يعينك )!!! وقبل احس بندم هالكلمه اللي قلتها له في حق امي!!!

تفاجأت في ابوي يدااااااافع عن امي ويقولي هي طيبه وحنونه وخايفه علي امرض فتعصب علي وانا اعرفها من زمان وهي صغيره صبرت علي وتحملتني واللحين هي كبرت وانا لازم اتحملها واصبر عليها واتحمل غضبها
عجييييييييب قام يدافع عنها كاني انا اللي اذمها من الصبح !!!

صراااااااااااحه تفكيرهم وطباعهم غريييييييبه وعجييييييييبه هالرجال فالكبر!

بس الاكيد انهم يحبون بعض ومايستغنون عن بعض علشان كذا انا توقعت اللي صار بين هالزوج وزوجته

واظن ان الزوج مع زوجته في الكبر يصيرون مثل الطفل الصغير اللي امه تحاتيه وتلحقه بدواه واكله وشربه وتحاتيه وهو يعصب عليها رغم حبه لها وعدم استغنائه عنها