[q888]

بسم الله الرحمن الرحيم

انا في البدية بكتب الي بقلبي لاني ماني قادرة احدد مشكلتي

انا بنت وطالبة وادري ان كل بنت مسيرها الزواج ومتى ما ية النصيب بتزوج بس احيانا اخاف من العنوسة مع اني صغيرة للحين ووايد ياهم النصيب وهم بعمري واكبر واكبر لكن التفكير مو بيد الانسان واخاف من الحسد والسحر ،،ادري كل الناس ماتحب هالشي بس لما يوصل الشي اني افكر بهالموضوع كثير هذي المشكلة ،وادري ان لو اجتمع الانس والجن على ان ينفعوني بشي مانفعوني الا بش قدكتبة الله لي ولو اجتمعت الانس والجن على ان يضروني بشي لم يضروني الا بشي قد كتبة الله علي رفعت الاقلاوم وجفت الصحف،هالحديث يطمني وايد واستغفرررررررررر الله العظيم على تفكيري بس مو بيدي يمكن وسواس شيطاني ولازم افتح قلبي ،


ابي احد عندة اخوان وخوات من ابوة ويقولي يحبهم والا لا؟ لان مشاعر الكراهية لهؤلاء الاخوان غير الاشقاء تمتلكني احيانا واخاف انهم يغدرون فيني او انصدم فيهم بيوم من الايام
وهذي كلها افكااااااااااااااااااااار بايخة والله لو اتخلص منها اكون سعيدة وماكو انسان حياتة كاملة وهذا مستقبل والمستقبل بيد الله بس!!!تفكير او وسواس مزعج

اتمنى ارتاح ،اتزوج
انا قربت اتخرج من الجامعة واغلب صديقاتي ملجوا وماقول كلهم وهذا اكبر دليل اني للحين في الطبيعي بس شسوي خصوصا ان صديقاتي المقربات مو الزميلات تزوجوا او املجوا وأخاف امر بمرحلة اني توني متخرجة وصديقاتي كلهم عرايس وانا ماعندي مثل سوالفهم ولا مثل كلامهم اصير غير وانا احب اكون دايما مع الناس موغير عنهم ابي اكون حالي حالهم اسولف عن وناستي وسوالفي مابي اصير اكسر الخاطر

هذا الشي اطلبة من الله وهو الرزاق بس اعيد واقول افكاااااااار،كيف اتخلص من هالاشياء البايخة ابي استقر؟؟؟

وانا بطبعي ه1ا حتى اذا تزوجت بقول لا يحسدوني لا كذا وبعدين مو عيشة هذي

ريحوني