بسم الله الرحمن الرحيم
صباحكو/مسائكو فرح وسرور،،،
جبت لكم اليوم "سنفرة منتهى" خلطة طبيعيه 100% تخلي جسمك حرير وتنبهرون في النتيجه ان شاء الله..
بس عندي طلب اللي تستخدمها تقول لنا عن النتيجه..
الصراحه انا صار لي فتره انشغلت عن الخلطات وقلت لازم اصلح لجسمي سنفره اعوضه عن كل هذي الفتره
ودخلت المطبخ وطلعت بهذي الخلطه وبعد الاستحمام كانت النتيجه OK والحمد لله
ورجعت اجربها اليوم وقلت انزلها لحبايبي في المنتدى..
ما اطول عليكم هذي هي الخلطه..
المقادير:
(هذه المقادير تقريبيه لاني اصلحها عشوائي)
ربع ليمونه بقشرها(يفضل تكون في العرض)
2م ك حليب بودره
1م ك طحينه سايله
1م ك نشاء
2م ك شوفان
1م ك دقيق
1م ص بكنج بودر
نصف فنجان قهوه ماء ورد
1بيالة شاي لبن
تخلط جميعها في الخلاط ويكون الخليط سميك وبه حبيبات ناتجه من قشر الليمون واذا حسيت ان قوامه ما سمك اضيفي له دقيق الى ان يصل للسمك المطلوب..
وبهذا تكون الخلطه جاهزه للاستخدام..خذيها وافرديها على كامل جسمك ماعدا الوجه واتركيها حتى تجف بس مو مره يعني تكون رطبه شوي
بعدين ابدئي فرك جسمك باليد او اليفه وشوفي النتيجه بنفسك..نعومه وبشرتك تجلس رطبه وكمان ريحه منعشه...
ملاحظات:
اللي تتحسس من اي مكون تستبعده.
نوع بشرتي جافه جدا وعند استخدامها استغنيت عن المرطب بعد الحمام.
لا تحتاجين الى غسل جسمك بالصابون بعدها واكتفي بالشطف الجيد.
اكيد بتقولون والوجه لازم له خلطه وهذي خلطه روعه اخذتها من النت وصار لي من بداية الاجازه الى اللحين عليها وهي:
خلطه تبيييض تصفي وتوحد اللون
بطاطه واحده + م ك حليب بودر + م متوسطه نشاء
الطريقه اغلي البطاطه عدل وبعدين قشريها وقطعيها وحطيها بالخلاط وضيفي عليها الحليب والنشاء واذا بشرتك دهنيه حيييل حطي معاها ملعقه ليمون وخلطيها عدل
اضيفي من ماء الغلي حتى تصلي الى قوام اخف ويكون بنفس سمك اللي قبل اخذيه وحطيه على بشرتك ويفضل انه يكون دافي شوي
لحد ما تنشف ومو اقل من نص ساعه وبعد الخلطه لاتغسلين وجهك بصابون بماي بس ويكون فاتر اشوي
وبالاخير رشي ماي ورد وادعيلي ..
واخيرا ان شاء الله تعجبكم
ولا تنسون تدعون لي برضى الرحمن