[ماقف طويق]

بـــــــــــــــــــــسم الله الرحمن الرحيم

هذه القصيده لشيخ احمد بن علي الطريقي وهي قصيدته في مزرعته ويتوجد على المزرعه عندما غمرتها السيول التي

اغرقة جميع المزارع عام 1418 هـ ويصف حال مزرعته بعد ان داهمها خير الله الذي انهمر باذن الله



وهو يقول في قصيدته :


يطـيب كيفي يـوم أشاهد محلي & وأرتاح لو هو حايل ٍ دونه السيل


والي غـدا بالسيل جعـله يـولي & بعـوضنا الله بـالليالي المـقابيل


نرجي العوض من واحد ٍ مـايخلي & يستر خلل عبده عن الضلع والميل


لوقلت أبي اللي ضايع ٍ ماحصل لي & قـويت نفسي عـن كثير التهاويل


كـم واحد ٍ غيري دمــوعه تهلي & وأنا عذلت النفس عن قول ياويل


أقضي الـهجره بمشي وتســلي & عسى العوض تاليه هيل ٍ بـلا كيل


واللي خـسرت وراح جعله فـداً لي & واللي من الله ما لنا به مداخيل


بحــر ً خضر يوم أفتكر به وأحلي & وأسبر محلي مـن بعيد ٍ بدربيل


ضاعـت معاميلي وفــرشي ودلـي & وأشكي على منشي صدوق المخاييل


ضـاع السعد مــني وأنا ضعت كلي & لا واسفا بك يـالغروس المضاليل


وإن كان نش الماء وش اخذ وخلي & الزل حرق وصالحه تقل غربيل


نثني على المعبود مغني المقلي & عن سيل خلق الله حصل لي تنافيل


مـد النظر قبله إمـام المصلي & تـوانك الـديزل بـه أسبق من الخيل


مـا عاد ينفع قول قله وقل لي & الأمـر تـم ولا يبي زود تـفصيل


الشيخ الشاعر : احمد بن علي الطريقي

ولكم مني اجمل تحيه