[hayam86]

السلام عليكم عزيزاتي سيدات البيوت
رمضان كريم على الجميع الله يجعلو مغفرة للدنوب يا رب
هاد النهار جبت ليكم خبيات لداد جدا متشبعوش منهم صراحة
انا وجدتهم للفطور ان شاء الله تيجيو روعة
بسم الله نبدا بالمقادير

العجين
دقيق الفينو الكمية حسب الرغبة ديالك
زعتر محكوك بين راحة اليد
قليل من خميرة المعجونة
شوة ديال العطرية للتنسيم اليبزار الملح السكنجبير التحميرة
قليل من زيت الزيتون
الماء لجمع الخليط
الطريقة
تنخلط الكل وندلكو العجين مزيان و نتركوها ترتاح و من بعد نشكلو منو كويرات صغار نطلقوها من بعد نكرسوها ونخليوها تخمر واحد الشوية ثم ندخلوها للفرن تطيب وتتحمر شوية ثم نخرجوهم





ملاحضة
تقدري تخليهم غير هاكة و تدخلوهم للمجمد حتا تحتاجيهم و جبديهم خليهم يتحلو من التلج ثم تحضري الحشوية اللي بغيتي وتعمرهم يها وتدخليها للفرن شوية باش يدوب الفراج و هاهي واجدة للاكل بسرعة هده غير الى بغيتي
الحشوة لاولى
صوص طوماط منسمة بزيت الزيتون واليبزاروقليل من الملح
طون ديال الطاسة طبعا مفتت
بصل وفلفل اخضر مقطع مربعات و مشحر في قليل من زيت الزيتون ديائمامع قليل من الملح و اليبزار
قليل من المعدنوس مقطع
فورماج الموتزاريلا مبشور


الحشوة التانية
صوص طوماط دائما منسم سابقا طبعا
زيتون مقطع دوائر
كاشير مبشور اي محكوك
قليل من المعدنوس مقطع ايضا
بصل مقطع شرائح و مشحر في قليل من الزيت و الملح و اليبزار و الزعفران
فورماج محكوك




الطريقة


نفتح الخبز من نصف الجهة



ثم نبدا بالحشو ابتداء م صوص طوماط الى الفروماج كما هو مبين في الصور



والى الفرن ثم نخليوها قليلا على ميدوب الفورماج و نخرجوهم بالصحة والراحة

اسفة نسيت مصورتش ليكم طبق القديم الاخير