؛ٌ~
دخيـل الله ياقلبـي أنـا طالـبـك تعفيـنـي
أنـا طالبـك تنسااااانـي ولـو مـره تخلينـي
أعيش بدنيتي وأهنا مثل باقـي البشـر سالـي
بدون الحب ياقلبـي وبـدون همـوم تكوينـي
أنا ماعـاد فينـي روح تبيهـا تتبعـك ثانـي
انا فيني جسد باقـي بـدون شعـور يحوينـي
على كثر القلوب اللي هوينا ماصـدق واحـد!!
ياقلبي ابتعد عنهم تـرى اللـي فينـي كافينـي
زرعْت الحب فأعماقي وحصدْت جروح تاليها؟؟
وردى هالحظ خاواني ولقى كل مايبـي فينـي
كثير أحباب حبينا وعطيناهـم بـدون حسـاب
ولاخذنا سوى غدر ٍ مـلا راحـات كفينـي؟؟
وكثير أسباب تجبرنـا بـلا حسوفـه نخليهـم
لأن والله مافيهـم ولا واحـد مــلا عيـنـي
ولكن أكبر الصدمات جتني مـن يديـن اللـي
حسبته غيـر كـل النـاس ومايعنيـه يعنينـي
هذاك اللي تصورتـه طمـوح العمـر ياقلبـي
هذاك اللي تخيلتـه هنـاي وضحكـة سنينـي
عطيته من دفا روحي قصايـد أشعلـت ليلـه
وأنا ما أكتب لغيـره ولا أي شخـص يغرينـي
كتبت أحلى كلام الحب فـي عينـه ولافكـرت
يجي اليوم اللي أستخسر قصيدي فـي محبينـي
على مبدا (الخصوصيه) يحاول يبعد اشكوكـي
وعلى مبدا (الصراحه) كنت وكانت لعبته فينـي
خذلني للأسف والله وهدم كـل مابنـا بلحظـه
وطلع هالحب مايسوى مواطي تـراب رجلينـي
أنا كنت أحسبـه أعظـم علاقاتـي ولاظنيـت
بأن أعظم علاقاتـي بخيانـة حـب تنهينـي!!
ويمّي صاحبـي دايـم يذكّرنـي بوهـم حبـي
وأقول: ارتاح ياعمي ترى الله عنْـك مغنينـي!
خسرت أصحاب من حولي خسرت الكل بأسبابه
ألا حسبـي عليـه الله كثـر ماهـو معنّيـنـي
أفااااا ياقلبي الطيب...أفـا وشلـون ترضاهـا
وأنا من صدمة ٍ بالحب إلـى صدمـه تودينـي
بدون عناد اسمعني ولا تفتـح لـي الموضـوع
حشا لو تفتحه ثانـي لأشيلـك مـن شرايينـي
خلاص الحين انساهم وأنا ماعاد فينـي حيـل
لهم رب ٍ يجازيهـم .. ولـي رب ٍ يجازينـي
.
.
عــــبــــدالله الــظــفــيــري
~