أنا رحت المكان اللي جمعنا مـن قبـل عاميـن
بغيت أصبر مع الذكرى وأعيد أيـام تذكـارك
تصدّق!! شفت ياعمري رسوم بها حروف أثنين
ولقيت أن الجدار اللي لمسته يحمـل أسـرارك
بدأ بذاك المكان اللي تحيده كل شـيء يلين
نعم يشفق على حالي ويتخبّـر عـن أخبـارك
وعطرك هو ترى عطرك ولو قد صار له سنتيـن
أشمّه بس فـي الواقـع أشـم بغيبتـك نـارك
قعدت أتخيّلك تطلع وأشوفك بس ما أعرف وين
ولكن وين ياعمـري وإنتـه بعيـد فـي دارك
بدت تخنقني العبرة وأنا أصارع دمـوع العيـن
ياليتك عشت هالموقف بتعرف كيف مقـدارك
سهرت ألين ما بيّن عن اطلوع الفجـر ثلثيـن
أسامر نجمة غيابك وأكلّمهـا عـن أعـذارك
طلعت من المكان وكن قلبي منقسـم قسميـن
في عيني صورتك و أنته قبالي تسمـع أشعـارك
عرفت أن الزمن قاسي ولكـن فرقـة القلبيـن
صعيبه يابعد عمري وفي وسط الروح تذكـارك
للشاعر: جمعه من نايم الكعبي