في ذمتي مالي حبايب سواكم
وانتوا هنا عمري وسبة اشجوني
ودي بوصلكم واستريح بلقاكم
وفي بعدكم الأشواق ياما اسهروني
في وسط روحي دوم ساكن غلاكم
وفي قربكم شفت السعادة بعيوني
تبسم لي الدنيا ببسمة شفاكم
واحس نفسي سيد في وسط كوني
يتوه كلي لا ضمرني شذاكم
ويرد ذهني عقب فترة جنوني
تدرون بي هايم ولا أقوى جفاكم
تدرون بي عاشق وانتوا فتوني
حالي شرات الليل مظلم بلاكم
والليل دون البدر ظلمة وسكوني