لابـاس يــاقـلـب الــمـعــنـى ولايـاس
لابـاس والــدنــيـا عــطــتــنـا قــفـاهـا
لابــاس وإنــت اللــي عـلــى الــراس نـبــراس
لابـاس يــاقلــبـي تــحـمـل غــثـاهـا
أرزها فــالـراس وأطيـح فــالــسـاس
وش حـــيـلــتـي لاعــاكــسـة مــبـتــغـاهـا
كــم لـيلــتــن قــضـيـتــهـا وإنـت عــسـاس
مـن ديـره لـــديـره تــعـزم خــطاهـا
ولاكــفـت ولا وفـت حلـم قــرطـاس
ولاشــفـــت ولانــهـت عـن هـواهـا
هــذي هــي الــدنــيــا تــحــت خـــط وأقـواس
(( مــن عاشــهــا دنــيــا أبـد ماهــناهـا ))
خــذها عــلى الــذرعـان ياصاحــب الفــاس
أقــطـع بــهالــحديـن توصـل مــنـاهـا
واســأل ولاتــسأل عن حــقــود وأنـجــاس
وإمــشــي ولا تــقــطـع مــسافـة رجــاهـا
خــذهــا مــسايـــر حــس ومــبادل إحــسـاس
كــــذا كــــذا حــتـى تــعــايـش مــعـاهـا
والا إن تــبــي تــثـبـت حــقايـق بــتــحـتــاس
كــم واحــدن قـبــلـك بـغــى مـا قــواهـــا
دنــيا قــويـــه تــطـحـنـك طـحـن الأضـــراس
إبـعـد قــبــل تـــدرج عــلـيـنـا رحــاهـــا