لابـاس ياقـلـب الــمـعــنـى ولايـاس
لابـاس والــدنيـا عــطــتــنـا قــفـاهـا
لابــاس وإنــت اللــي على الــراس نـبــراس
لابـاس يــاقلــبـي تــحـمـل غــثـاهـا
أرزها فــالـراس وأطيـح فــالــسـاس
وش حـيـلــتـي لاعــاكــسـة مــبـتــغـاهـا
كم ليلــتن قــضـيـتــهـا وإنـت عــسـاس
مـن ديـره لديـره تــعـزم خــطاهـا
ولاكــفـت ولا وفـت حلـم قــرطـاس
ولاشــفـت ولانــهـت عـن هـواهـا
هــذي هــي الــدنــيــا تــحت خـــط وأقـواس
(( مــن عاشهــا دنــيا أبـد ماهــناهـا ))
خــذها عــلى الــذرعـان ياصاحــب الفــاس
أقــطـع بــهالــحديـن توصـل مــنـاهـا
واســأل ولاتــسأل عن حــقــود وأنـجــاس
وإمــشــي ولاتــقــطـع مــسافـة رجــاهـا
خــذهــا مــسايـــر حــس ومــبادل إحــسـاس
كــــذا كــــذا حــتـى تــعــايـش معـاهـا
والا إن تــبــي تــثـبـت حــقايـق بــتــحـتــاس
كــم واحــدن قـبــلـك بـغــى مـا قــواهـــا
دنــيا قــويـــه تــطـحـنـك طـحـن الأضـــراس
إبـعـد قــبــل تـــدرج عــلـيـنـا رحــاهـــا