[سيدة الذوق]

ربع الحزن في صدري وهب الغرام
ومالت أغصان صمتي واستوى البوح تين
شايل الظيم (تسني) شايللي سنام
خابر الصمت زين وخابر البوح زين
يا صباح النوارس يا هديل الحمام
يا صباح(ن)على الشاطي ولكن حزين
بلغ الدار والأحباب مني سلام
وعايد أبوي وأمي وأهلي والحنين
خابر الشمس هـ الحزه مثل كل عام
تشرق بـ فرح ونعيد مع المسلمين
جيت أصبحك يـا هـ البحر قم لا تنام
ريحة الدار والطاري وبوح الكنين
كل مره أجي ساكت ماهوب احترام
أسمعك وأحشم اللي في ضلوعي دفين
لكن اليوم جيتك بـ البكاء والكلام
وانت وقفت مع دمعي لأنه سجين
دمعتي قبل تنزلك سرت بـ العظام
وصلتك وقوتني وانت خابرك أميين
ترمي الناس في صدرك هموم(ن) جسام
وتآخذ أخف وأندر سر بك من سنين
خل سرك في صدرك لو يهب الغرام
منت مثلي اهمومك فــ الهواء غصن تين