[هنادي الشايع]

رأيت دكتورنا الفاضل

في بدايه شهر 5 ,,, 1430
أن والدي دخل علينا في بيتي ومعاه ذبيحه وكبيره وحاملها مثل مانحمل أدمي نايم والوالد كأنه لابس قميص مقلم

وشالها وثقيله شوي عليه خرجت من باب غرفتي أنا وزوجي وزوجي كان مكشخ لابس ثوب وشماغ وأقوله ساعد أبوي فيها وصل أبوي المطبخ ودخلها وزوجي ماأمداه يساعده

بعدها دخل ابوي بالغرفه وكأني اشوف امي نايمه على سريري هي و ابوي وأقول بنفسي ليه انا انام معهم ع السرير

شوي قام ابوي يقبلني بحراره في خدي ورقبتي وانا مستغربه وأقول هو عادي ابوي يسوي كذا معي ؟؟؟

وأشوف واحد من أخواني معنا

رحت المطبخ ابي أوزع وارتب اللحم في مطبخ بيتي طبعا وأشوف المرئ والكبده لاصقه ببعض وكأنها مضخمه او مليانه بشي وجاء في بالي ان الدم مازال يجري ويتحرك فيها واقول انهم مانظفوها زين

مع شعور بخوف بسيط منها

وأخذت الكبد قلت [اغسلها واطبخها حطيتها ع الدرج ورجعت مالقيت الكبد دورتها مالقيتها

بعدها شفت نفسي أنا ووبنتي وولدي وخواتي وأحدى خالاتي جالسين على مكان مرتفع بمقدار ذراع وكأننا نطالع للبحر و فيه مسافه متر تراب امامنا بين مكان جلوسنا وبين البحر تقدمت ابي اشوف البحر وجدت كأننا براس جبل مرتفع جدا لكنه مسطح الجبل ومسافه كبيره بينا وبين البحر وكأن واحد من أخواني تحت عند البحر وهيئته بنفس شكلها يوم كان بخامس أبتدائي وحاليا عمره 30 سنه واقول كيف وصل قالوا نزل من الجبل خفت أنا وقلت ماني برايحه كيف انزل ورجعت ورى هالعتبه الي جالسين عليها خواتي وبالي أن معهم ناس والي جالسين مو خايفين وعادي عندهم ويسولفون وكأن فيه بنتين صغار يلعبون وحده منهم بنت خالتي دفت بنتي شوي فصحت عليها وهاوشتها واقول بتطيحينها تحت شوفي مافي مسافه

طالعت ع يميني شفت خالتي ام البنت الي هاوشتها تطالع لي من ورى وحده ماأشوف الا وحده من عيونها وكأنها

معبسه شوي نفس شكلها بالطبيعه لعبست وشفت ولدي متقدم ع التراب وصحت وخذيته خفته يطيح ورجعت بعيالي وراء العتبه وكأني رحت مطبخ أهلي وأخذت 2 علبه زبادي أبي أأكل عيالي وشفت وحده من بنات عمي أسمها سلوى بس وجههابطريقي وجلست أنا وعيالي وبنفس المكان ويقولون لي الي جالسين فيه عشاء من الامير سلطان وطالعت بجهه البحر شفت مجلس مفتوح كبير وكأن به ناس تدخل وكأنه بوفيه مفتوح ويقولون
تعالي نروح قلت كيف انزل تحت من الجبل يعني روحوا انتوا ماأبي أنا ونفسي في العشاء بس خايفه من الطريق ورأيت كأن ها المجلس مو تحت مره لا كأنه بسواه المكان الي جالسين فيه يعني مو لا زم ننزل بس خوفي من النزول خلاني أتوقع أنه تحت بعدها شفت مثل هيئه صحن كبير مأكول منه رز وفيه دجاجه كامله وقلت هذا هو العشاء الي من الامير


وانتهى الحلم


أنا متزوجه لدي ولد وبنت

غير موظفه متخرجه من الكليه تخصص لغه عربيه متدينه عمري 27
والدي حي وبصحه وسلامه ( اسمه ) متدين عمره 64 حالته الماديه ممتازه والحمد الله
زوجي بخير وموظف ماديتنا عاديه جدااااااااااا )( اسمه ) متدين عمره 35

أخوي أسمه متزوج لديه طفلين ولد وبنت كان موظف وترك الوظيفه لمرض ألم به في فقرات ظهره حالته الدينيه ليست بالجيده عمره 30 حالته الماديه سيئه جداااا وهو نفسه الي شفته بغرفتي

خالتي أسمها ( ) متزوجه ولديه 4 بنات غير موظفه حالتها الدينيه صاحبه خير عمرها 47 حالتهم الماديه جيده جدا

أمي أسمها ( ) غير موظفه متدينه تعاني من هموم ومشاكل و تعبانه جسديا عمرها 52

بنت خالتي أسمها ( ) عمرها 8 سنوات


بنتي ( ) عمرها 4 سنوات

ولدي ( يزيد ) عمره سنه و10 شهور

سبب التعديل: لا حاجة لذكر الأسماء .