بسم الله الرحمن الرحيم
السلام عليكم ورحمة الله وبركاته
أحبابي الغالين
ما ادري نسيتوني أو باقي تذكروني ...أنا ليان2
مشاركتي الأولى في منتدى فضفضه ضاعت ومشرفتنا الزاهره أبدت اسفها لذلك وقالت:نحن بإنتظار أعادتك لكتابة مشاركتك
واللي حصل يا طوال الأعمار اني ما كتبتها مره ثانيه للأني كنت مشغوله
من حقكم تقولون وش مشغوله فيه ؟
أنا كنت مشغوله بواحد من الأحلام اللي كتبت لكم عنها إلا بإثنين واحلامي كانت أربعه
1-نظريه في الحساب الفلكي للسنه الميلاديه والهجريه (وهذا ما قد طورت فيه شيء لليوم بس بياجي يوم وتنتهي هالنظريه واتأكد منها)
2-مجموعه من المشاريع التطويريه لمكه المكرمه لجعل الحج اكثر يسر وسهوله (بعضها تحقق والباقي على باب الله يحققها لي )
3-حلم رابطة مفسري الرؤى والأحلام (وهاهو بدون ما يكون لي فيه دخل حققه ربي بس أنا باقي أعمل على بعض العناصر الخاصه بي في هذا الحلم )
4-حلم الماجستير اللي من يوم انا رابع أبتدائي وانا أحلم به مع مجموعه من الأحلام اللي مو بس أنا اللي احلم فيهاإلا كل اللي في سني
(أقضي دين فوق مية ألف ـــ أتوضف لأنه ما جاني تعين ــ أكون أسره ــ أكتب شعر من القهر وكتبت أبشركم ــ أمارس اعمال حره ومشاريع صغيره عشان مصاريف الحياة والحمد لله بعضها نجح وبعضها لم أتمكن من المواصلة فيه )أصالمنتدى مثل ما قال الدكتور للفضفضه لاحد يقول وش كثر اكتبت أصبروا خلوني افضفض
انا راح أفضفض لكم يا إخواني الأعزاء عن الأحلام اللي حركتها الريح ومازالت تجري لم ترسو لها على بر
الماجستير
انا بعد ما كتبت في المنتدى فضفضه بأسبوع دخلت امتحان القبول في الماجستير وكان عدد المقدمين فوووووق 400 واللي انقبلوا 7 فقط ولم اكن منهم..
وما يأست قمت يممت وجهي برا البلاد قدمت على العديد من الجامعات الأجنبيه وجاني القبول في اكثر من جامعه اللي في بريطانيا واللي من الولايات المتحده الأمريكيه بحكم اني متحدثه للغه بمستوى جيد واخترت التخصص اللي احبه وراح ابدع فيه
طبعا على حسابي لكن ماعندي احد يروح معاي وأخواني لما قلت لهم قالوا انت وش صار لعقلك تدرسين بفلوس قلت دولتنا ما قصرت حتى اللي بيدرس على حسابه بعدين يقدم عليهم يصير مبثعث ليش ما اكون واحد من هذولا المتميزين
مسامحتكم عادي اللي يبغى يضحك مثل أخواني يضحك بس كملوا معاي ...
[color=0000FF]حسيييييييت بقهر بس ما يأست واصلت البحث عن جامعه تقبل الدراسه عن بعد وعل حسابي لقيت وقبلت وتخصص حلو والدراسه بالنت لكن وزارة التعليم العالي عندنا تعتبر هذي الشهاده ضعيفه جدا يعني وضيفه حكوميه بهذي الشهاده ما راح القى رغم ان البحرين وقطر والأيمارات يعتمدون هذي الشهاده ويوضفون بها في القطاع الحكومي [/color]
ولم أيئس . واصلت التقديم على الجامعات ........جااااااااااااااااني عرض مغري جدا جدا جدا جدا وهو أن أحدى الشركات العالميه وافقت على ان تمنحني فرصة الدراسه في جامعه قويه وعالميه لمدة سنتين بتكاليف مدفوعه تشمل الطعام والدراسه والسكن مع ضمان الحصول على وضيفه في هذه الشركه العالميه لأكون أحدى قادتها عالميا مع أعطاء الفرصة لي لأن ادرس الدكتوراه وانا على راس العمل عندهم............ وشرايكم بالعرض؟؟!!!
رغم انه مغري جدا وما هو بالساهل أي واحد يحصل عليه ال انني أحجمت عنه لأنهم يبغوني اعمل معاهم بدولتهم وانا لا يمكن اروح أطور وطن غير وطني ولا يمكن اروح أربح شركه ماهي شركه للأبناء وطني...
أصبروا ماقد كملت فضفضه
لا حد يعصب علي الدكتور فهد قال فضفضوا
خلا ل هذي الأيام كنت أمر بمرحلة شوي صعبه وأنا عندي خبره بالرسم من أيام الدراسه وتطورت مع القهر وكثر التفكير
وجيت ما بقى عندي ورقه ما كتبت فيها محاوله شعريه
على فكره نسيت اقول لكم ان جدتي الله يرحمها شاااعرهالمهم كتبت قصيده وما عليها على قد حالي
ودي تقرونها ولو اني واثقه انه بيطلع فيها الف ومليون الف ملاحظه بس هذي التجربه الأولى لازم تكون كذا
ماقد خلصت فضفضه
أبغاكم تقرون القصيده واللي بيكتب لي رايه عادي أتقبل النقد الهادف
أنا كتبتها وأرسلتها بالجوال على مجموعه بس ما حد اعطاني رايه
الطيبين لامروا بفكر سارح البال يرسل لهم شــوقه وســلامه برســاله
سلااام من صادق يعزك من الجال للجال يتبع خطى المصطفى بالرساله
سلااام شيخ بدو بمحزم ودسمال ســاري يــدور ضـيف يشــرب دللالــه
ألى أخرالقصيده ما راح اكملها لكم بس عطوني رايكم بمطلعها والله يستر
وصلنا نهاية الفضفضه
مع الشكر للدكتور فهد ولكافة المشرفين وكل الأعضاء
والله يوفقكم ويسدد امركم ويسهل دربكم
دمتم لأحبابكم وحفظكم الله ومن تحبون من كل سؤ
أختكم في الله : لـــــــــــــيان2