[تمام]

شكراً منا إليك شيخنا الفاضل ..
وشكراً منا معك للشاعر الكبير أحمد الناصر الشايع .

شاعر ذاق مرارة الفقد فرثى الفهد .
ابنه الخامس في تعداد أولاده .
فقال في مرثيته :

نهار ثالث عقـب عيـد رمضانـي = ناس(ن) عطاها الله وناس محرومه


احد(ن) قضا عيده سـلام وتهانـي = واحد(ن) توصله الكواكب همومـه


صادفت صدفه من صدوف الزماني = منها قوي الحيـل تفتـر عزومـه


هـذا زمـان الهـم والامتحـانـي = وقت(ن) على قلبي تعاقب سهومـه


الاولـه كامـل جميـع المعـانـي = مزبن المضيوم شـرع الخصومـه


محمد اللـي فـي القسـا واليانـي = عقبه سمايـا غايبـات(ن) نجومـه


والثانيـه باقـرب قريب(ن)ودانـي = خامس عيالي يوم جتنـي علومـه


قالوا مابيـن الخاصـره واحلبانـي = ولدك مـات اللـي ترجـا قدومـه


جا يومه الموعـود باربـع ثوانـي = قلت السبب قالوا دنـا منـه يومـه


علم(ن) على الكبدالصخيفه كوانـي = كيت عطـب ماتنشكـي للحكومـه


تهشمت كـل الضلـوع المحانـي = مفجوع والمفجوع محد(ن) يلومـه


اخذت لي ساعه وانا فـي مكانـي = حسبت لى عشرين طيحـه وقومـه


الى بغيـت الهـرج يبـس لسانـي = والذاكره عنـدي تقـول أمعدومـه


قمـت اتلفـت واتسمـع بـأذانـي = من شـاف حالـي ماتهنـا بنومـه


مما بقلبـي رحـت بالليـل عانـي = للموتر اللـي مابقـى الا رسومـه


عن روحتي ياليـت ربـي نهانـي = ولاشفت دمه سايحن فـي هدومـه


قمـت ودفنتـه والله المستعـانـي = في خرقت(ن) بيضاء عليه محزومه


يـم القويعيـه بـلاد اقحطـانـي = والحر غير لون وجهـي سمومـه


واقفيت من عنده وعشـري ثمانـي = مثل المصبـح والبـلاد امحكومـه


طاوعت نفسي مير عقلـي قوانـي = عن الخطاء مافيه نفس امعصومـه