السلام عليكم ورحمة الله وبركاته ******
لقينا من مشاكل هالحياة اللي يكفيــــــنا
نطامر وين مــ نطامر وضيعنا مطامرنا
وبعنا كلْ سعادتنا وفرحتنا بأيديـــــــــنا
ولا حــــــنــــا تـــــعـقلنا ولا حنا تفكرنا
نلاقي كلْ مشاكلنا قَبِلْ هيَّهْ تلاقـــــيـــنا
ونبعد عــنـها نـــــبـــــعد ونلقاها تدورنا
ندور ما يفرحنا ندور ما يسلــــيــــــــنا
نــــــــدور ما يضحكنا نسلي به خواطرنا
وجينا مثل ما رحنا ورحنا مثل ما جينا
وجينــا مثل ما رحنا ولا كنا ولا صرنا
ولا حنا لقينا غير أحــــــــزانٍ تـبـكـيـنا
ولا حــــنا تـــســـلــــينا ولا حنا تبشرنا
تعبنا نبكي انفسنا وأنفسنا تـعــــزيــــــنا
تعبنا من أيـــــاديـــــنا تحفر في مقابرنا
تعبنا من سكاكين الحياة وطعنها فـــيـنا
تــــعــبنا من مواجعنا تعبنا من قواهرنا
تعبنا من مشاكلنا تعبنا من شكـــــاويـنا
يــعـين الله يعين الله ووحده هو يصبرنا
تعبنا من مطامرنا وجاب لْنا بلاويــــــــنا
نطامر وين مـ نطامر وضيعنا مطامرنا