انطفى فينا الحكي
كل الورق
كل الحبر
كل السوالف .. والأرق
طاري الهوا
لون السما
رمل البحر
حضن الليالي .. والغرق
حتى النهار
شمس النهار
عطر النهار
صارت بصدري غسق
!
حتى الفجر
ذوق الفجر ... روح الفجر
صارت اعذار وغدر
صارت بلون السراب
صارت غيوم وسحاب
خانها درب المطر
!!
كل الأماني تنطفي
كل العيون تختفي
حتى الوله
حتى المشاعر
تنكتب كلمة
وتكتفي
تحتضر وسط الدفاتر
وتنطفي
!!
صار الكلام .. جمرة تحنّ
نار وحزن
نظرة تونّ .. يحترق فيها السكوت
وصار الفرح
دمعة حضن
كسرة غصن
وردة غلا .. بحضني تموت
انطفت فيها الحياة
وانطفى فيني الضوا
وانطفينا
نص جميل اعجبني ونقلته لكم