السلام عليكم
انا من محبي برنامج الدكتور الرائع
ومن المتابعين لهذا الموقع دائما
بارك الله فيه وفي علمه ووفقه لكل خير
وانتم ايضا بارك الله فيكم
واسعدكم جميعا بالدارين
دائما اتابع ردودكم وعلمكم بهذا الموقع
حماكم الله
لكن اتابع بصمت
اود ان اكتب احلامي لتفسروها
لكن مو مسموح لي يمكن لان مشاركاتي قليله
وثاني شي
ماحب ازعجكم باسئلتي وكثر اححلامي
ادري بمشاغلكم كلكم والدكتور
وادري بكثر المشاركات التي تحتاجكم
الله يجعل هذا في موازين حسناتكم
مادري هل ممكن اكتب الحلم اللي متحطم وافضفض ولا انتهى
مع اني ماحب اشتكي لاحد غير ربي العظيم
لكن ابي اقول لكم لاجل النصيحه منكم بارك الله فيكم
الحمد لله اني فتاة محافظه وملتزمه بالاذكار والتحصينات
وماحب الاغاني لكن في مشكله
من صغري وانا مو زي الصغار كانت مع ابوي القاسي حياة الم ماكنا نحس بانه اب
اب قاسي وظالم ومانحبه والحين هو بعيد عنا مو معنا بالبيت
توالت الايام وكبرت مع اخوتي وكبرت الامي معنا
وفي فتره بعد ماخلصنا دراسه الثانوي انا واخواتي
زادت المشاكل بالبيت وصراعات وخلافات دائمه
ع ابسط الاشياء واحيانا من دون
احنا نحس ان في ناس يحسدونا
ونحس بغيرتهم منا رغم ان حياتنا مو غنيه
وعسره نوعا ما والحمد لله
وللان مازالت حياتنا مشاكل والام بين بعضنا داخل البيت
ولم نتزوج بعد رغم كل اللي حولنا حتى اصغر منا تزوجو
يجونا ناس كثير ومايتم اي شي للاسف
فينا جمال واخلاق اللي زينا من زمان تزوجو
احيانا نكون خلاص قربنا ويتفركش الموضوع كله
وحتى اخوي ندور له من سنه عروس
ولقينا كثير وهو مستعجل لكن للاسف
اما يرفضو الناس اما اخوي يقول مابيها وكذا رغم انه مستعجل
ورغم اصحابه من جنبه يخطبو ويوافقو ويتممو
لين الكل استغرب منا ودوم ينظرو لنا نظرة استغراب
كل الناس من حولنا يتزوجو واحنا لا ولا احد فينا الحمد لله
حتى دراسه احنا البنات ماكملنا الا ثانوي وبعدين بالبيت لاشغل ولا شي
واخوي متوضف واحد والثاني توضف فتره وبعدين مادري اش صار له قعد بالبيت الحمد لله
قلنا اكيد عين او سحر
فكرنا نرقي نفسنا انا واخواتي
وبالفعل قاعدين نرقي نفسنا لليوم والحمد لله
انا بالنسبه لي اتبعت علاج اللدكتور حق العين والسحر واقرء البقره كل يوم
لمده اربع اشهر ويمكن اكثر متواصله
والحمد لله حسيت اني نفسيتي احسن
وكمان بثبور وحبوب كاننت بوجهي غريبه راحت تدريجيا بعده
والحمد لله
وراحت نهائيا بعد ماخذت باقي من كاسه قهوه لشخص شكيت فيه ابوي للاسف
والحمد لله راحت نهائيا بفضل الله
انا وقفت بعد ماشفت انه تمام الحمد لله
اما اخواتي فسا للحين يتابعو الرقيه بالماء والسدر وزيت زيتون
ويقرءؤ البقره يوميا
لكن الحمد لله المشاكل بيننا والخصام في البيت لسا زي ماهو
ومن دون اسباب قويه ومعقوله
وخصومات بيننا كاخوه مو راضيه تروح
مع اني مقهوره ومابي نكون اعداء بالبيت
وهالشي متعبني
ونفسيتي صافيه من الكل بالبيت
لكن احس الكل يدور شكل وصراع وخصام
احنا اسره محترمه وطيبه ومشهورين بين الناس بالطيبه والاخلاق
لكن مايدرو ع اللي جوى البيت من شحن والم
يمكن مو انا بس اللي مقهوره من وضعنا ونفسي يتعدل
كلنا كاهل نبي ونتالم لحالنا
لكن كلنا ملتزمين بالاذكار والدعوات احنا البنات وامي اكثر من الاولاد
والرقيه ودوم ندعي الله ونتامله
للكن احس كلنا تعبنا من وضعنا اللي ماتغير
من شوفتنا لحولنا اللي يتغيرو واحنا الحمد لله
سنسنين عانينا واامي معنا ولسا الحمد لله
حاليا لي كم يوم احس بالم كبير واحباط شديد وكسره قلب
وقهر وتعب وخمول ونفس مسدوده من كل شي الحمد لله
تعتب اشوف حالنا يزيد رغم كل محاولتنا الحمد لله الله يؤجرنا
احس حياتي مالها قيمه ولا معنى كمسلمه
الناس نوعين اللي لاهي بحياته الدنويه ويكسب فيها
واللي لاهي بالاخره والعمل لها
وكلهم كسبانين
الا انا واهلي تافهين وماعندنا غير نصارع هموم الحياة ونصارع بعض ونكسب ذنب ونغضب بعض
الحمد لله
نفسي ماحد يقرء الا الدكتور عشان ينصحني
عشان مايكون اني اشتكي لغير الله
واذا ماتقدرو تخلو بس الدكتور يقراها
اتمنى اللي يقرء يدعي لي ولنا
ربي يؤجركم ويفرج علينا وع الكل وع كل مهموم