جزاكم الله خير الجزاء وبارك في جهودكن ونفع بكن
اختي حبيبة امها جزاك الله خير الجزاء
كلامك صحيح 100%وانا موقنة ومتاكدة من ذلك في قرارة نفسي
كنت بداية ماجاني خبر انفصالي مصدومة وغير مهتمة للامر بالعكس كنت مرتاحة وعكس اهلي اللي كانو جدا متاثرين وحزينين
لاكن الان وبعد مضي 3 اشهر احس انه معي اكتئاب مابعد الصدمة وانا من جد خايفة على نفسي وعلى ايماني واهلي يفكروني انا الان نسيت الامر واهلي خلاص نسو السالفة وقامو يتعاملون معي عادي..ولا كانه شي صار لي..وهم مدلعيني الله يجزاهم خير
الحمدلله انا مؤمنة بقضاءه وقدرة وراضية لاكن لا ادري مابي؟؟؟عندي رغبة في البكاء كثيرا والنوم
ولسه انا من اسبوعين مخلصة دورة خياطة اللي مدتها 6شهور لاكن اخذناها 8او 9 شهور تعبت جدا ويبي لي وقت ارتاح شوي في البيت عشان افكر ابدا دورة ثانية مع ان المواصلات ماتسمح ومابي اكلف على اهلي يدفعون لي اقساط الدورة والمواصلات
جنبنا معهد يسوي دورات وهو اللي توني مخلصة منه دورة الخياطة
يمكن اخذ عنهم دورة تجميل بعد فترة لاني حيل تعبت
وعندي مشكلة اكبر وهي عندما خطبني طليقي ابي راح يشاور عمي وعمي هذا مربيني مو متزوج اصغر واحد من عمامي وابوي هو الكبير لاكن يهمه امري وانا كذلك احبه كثيرابالحيل وانا استشيره في كل اموري لاكن ابي ذاك اليوم قالي لا تستشيرين احد فقط استشيري رب العالمين
فعلا صليت الاستخارة وحسيت براحة المهم يوم سويت الفحص وتطابقت النتيجة بدينا نعلم اهلي ومنهم عمي اعترض بشدة لانه عنده ماخذ انه عيلة طليقي والله اعلم كان لها ماضي اخلاقي سئ وعمي عنده الاخلاق والشرف اهم شي من جذور العيلة لاكن الشهادة لله طليقي وامه ابوه و واخوانه وخواته ناس نظاف لاكن شنسوي لعمي المهم تجادل مع ابوي
ولم يعد يقابلنا ولا يسلم علينا اذا جينا بيت جدي ولاحضر ملكتي وبارك لي من دون نفس وصار في العيد يعتزل الناس ولا يطلع وغير رقم جواله واكره ماعنده ابوي مع انه ابوي مو زعلان عليه لاكن شنسوي عمي كذا شخصيته..
كان يقعد معنا شوي قبل ما اطلق..
لاكن يوم اني تطلقت مايبين كليا ولا سلم علينا في العيد ..
من جد احس اني السبب في كل شئ.. وهذا اللي زايد حزني ..لاكن لا اعرف كيف اصلح علاقتي بعمي؟؟ واصلح بين ابي وعمي..لان عمامي الاخرين احس انهم حاطين اللوم على ابي في انه السبب انه ماسال عن الرجل عدل وتاكد من اخلاقه . ويقولون هذا اللي يناسب ملتزم ووو... سبحان الله هذا قضاء وقدر..وانا خايفة على ابوي حيل..انا موقنه ان هذا قضاء وقدر..واناولله الحمد صليت استخارة وتوكلت على خالقي..باذن الله ربي لن يضيعني.. وسيعوظني ..لاكن من اللي يفهّم عمامي وعماتي؟؟؟
وايمانياتي شوي فترت ومشكلتي الاساسية اني اني طول الشهر اكون زينة صيام ونوافل وقيام ليل وذكر واستغفاروقران لاكن وقت العذر الشرعي اكرمكم الله ينعفس جدولي لاصلاة ولا صيام واصير متشائمة ومكتئبة لدرجة بسيطةوزود على كذا ولا وحدة من صديقاتي دقت على تسال عني ولا حتى بمسج وهذا اللي قاهرني اكثر يقولون لك احذر من اصدقاء الرخاء والحاجة انصدمت فيهم بالحيل مع انهم سنين معي من ايام الدراسة والطفولة ومستحيل اقط نفسي عليهم واسال عنهم حسسوني اني مالي قيمة عندهم ولاقدر..والغايب عذره معه...
اوكيه اصبر ان شاء الله.مستمرة...لاكن يجي لي يوم حزن ويوم فرح ابي اغير حاتي كلها..كيف؟؟
لان الموظوع لسه ماانتهى بيني وبين طليقي ..من ناحية الفلوس والورقة وابي كلمهم لاكنهم ساكتين كالعادة من شهرين هذا الكلام وانا تعباني مابي احط شي او فلوس في ذمتي مو من حقي ... وفي نقس الوقت ابوي مايبي ينزل نفسه لهم اكثر من كذا لانه تعب مع هاالاوادم حيل..مايبردون القلب...ولان الابن(طليقي )علاقته بابيه مو مضبوطة فيه حواجز ..وهذا اللي مصعب المسالة.. وابو طليقي جدن متاثر وزعلان على اللي صار لانه كان صديق محب لابي كثيرا..مثل الاخوان كانو..واللي سواه ابنه فيني ذبح ابوي في الصميم.. خاصة انه ابوي يغليني حيييييييل..
لان احنا لسه ما رجعنا لهم باقي المهر لين ما يعدلون اللي مكتوب في الصك وانا الى الان ماشفت ورقة الانفصال مابي اشوفها اخاف اتعب نفسيا اكثر لا ابي قالي عن محتواها..ماني قادرة افتح الموظوع مرة اخرى مع ابي ابي اتخلص من الفلوس عشان ارتاح واعطيهم صورته(طليقي) لانها لازالت عندي لاكني والله يشهد اني لم انظر اليها موجودة عندي في علبه ومقلوبة ابي اتخلص منها احرقها اشققها لاكن اخاف يطلبونها اهله..يقولون وينها؟؟ ابي اتخلص منها بس مو عارفة كيف..نا اعتبرها مثل الامانة عندي
واحداث غزة الاخيرة اثرت فيني حييييل..وزادت حالتي..الهم اكشف الغمة عنهم..واغثهم
لاكن ابشركم اني رح اعدل من وظعي خواتي حطو نفسكم مكاني يبي لي وقت على ما تجاوز المسالة واضبط حساباتي لا احس اني مكسورة ومجروحة ومحطمة للمرة الثانية لا تلوموني ارجوكم
لاكن الامل بالله وحدة والحمد لله على كل حال
شاكرة لكم خواتي تعاونكم معي وربي يرزقكم رزق يوسع صدركم
من جد اتمنى انكم تدعون لي يرزقني زوج متدين حق التدين(شيخ)
بارك الله فيكم وجمعنا بكم في الفردوس الاعلى