القناعه...
لا تمد رجليك ولحافك قصير
ولاتناظر فوق تتعب فالنظر
كان حلمك تفرش بأرضك حرير
حلم غيرك لو رزقه الله بصر
القناعه كنز لو حلمك كبير
عيش وقتك واغتنم فرصة عمر
كل ماتملك من الخير الوفير
شي مؤقت والحقيقه ماتسر
كل شيٍ زايل بأمر القدير
والحياه ادروس والدنيا عبر
لو ابن آدم تصدّق بالكثير
لايحسّب وش ربح او وش خسر
لان ماتزرعه بالدنيا يصير
لك حصاد ولا بعد هذي مفر
ولو ابن آدم عرف وشهو المصير
عاف وقته وانقلب حزن وقهر
قلت مالا قاله الشاعر جرير
في زماني ماكتب مثلي شعر
حبل افكاري ترى ماهو قصير
والسفينه تبحر بعرض البحر
انكر الاصوات اصوات الحمير
لو صاحت ماتفيد ولاتضر
واعذب الاصوات صوتك يالخرير
لو سمعته فز قلبك وانبهر
عيش وقتك دامها الدنيا بخير
ولاتناظر فوق تتعب فالنظر
مما راق لي..