قصيده الاميرخالد الفيصل (حديث روحين) قيلت اثناء مرور سموه امام قصر الراحل الامير عبدالله الفيصل رحمه الله
مريت بيتك عقب موتك وناديت
عليك مني يا بو خالد سلاما
من غير صوت يا اقرب الناس رديت
انا معك لو كان قبري مقاما
مديت روحي يحضنك وانت ناديت
روح بدفوه عشت ياما وياما
يا عاشق الارواح ياما تغنيت
في عشقها اللي بز كل عاما
حلقت به حي وحلقت به ميت
دايم على هام المشاعر تسامى
احلى المعاني نوحت لك على البيت
وكل القوافي عند شعرك ترامى
كم قلب مجروح من الحب داويت
وكم ساهر على قصيدك يناما
رفعت شعرك مع سموك وعليت
مشاعر الاحساس فوقه سناما
يا باقي ما دام للعشق تنهيت
وما دام للمعنى الجميل احتراما
ما والله انسى لكن اني تنمنيت
انك تعايشني بعد كم عاما
خالد الفيصل