عرض مشاركة واحدة
  رقم المشاركة : [ 1  ]
قديم 2008-10-11, 3:48 AM
سيدة الذوق
عضو متميز بالمنتدى
رقم العضوية : 44100
تاريخ التسجيل : 17 - 1 - 2008
عدد المشاركات : 1,021

غير متواجد
 
افتراضي إستفسار عن حاله ...
بسم الله الرحمن الرحيم


أول شي أحب اشكر الاستاذه على جهودها
ويعطيك العافيه ...

ثاني شي حبيت استفسر عن حاله دايم أشعر فيها وما ادري اذا هالحاله هي من
مشكله أو هي تعتبر من الشخصيه نفسها ,,

من زمان ودي أعرض هالشي على احد مختص ... بس كنت متردده..
بس تعبت من هالشعور وودي القى حل ..


دايم أحس اني حزينه ودايم افكر وهالشي متعبني حيل
أفكر بالاشياء اللي ضايقتني ..

واللي من الصعب اني انساها ...

ما أنام نوم متواصل أو طبيعي .. يعني نومي متقطع
مع العلم اني ولله الحمد محافظه على الصلاة ... وأصلي كل فرض بوقته
ومحافظه على قراءة القرآن ... والاذكار

بس مو عارفه ليش مو مرتاحه

والاصعب من هذا اني حساسه حيل ... وممكن من اي سبب بسيط أبكي وخصوصا من اقرب الناس لي أما الغرباء لأ ..
واذا تذكرت اشياء مضت وتضايقني بكيت
لدرجه ان أتخيل اشياء وأحداث للموقف أو للمشكله اللي اتذكرها وأعشيها وأبكي
وهي ما حصلت من الاساس وهالحاله تجيني اغلب الاحيان قبل النوم..

وأيضا من الصعب اني أفضفض لأحد عن اللي يضايقني
حتى لو أقرب الناس لي ...وأكتم اللي بقلبي .. يبين علي الحزن احيانا واني متضايقه من شي بس ما اشكي ..
مع ان في ناس كثير يفضفضون لي واستمع لهم وممكن اساعدهم بحل مشكله وأخفف عنهم ...




ما أدري اذا هالشي سببه ضعف بالشخصيه أو من مشاكل مريت فيها ..

مع ان ولله الحمد الكل تعجبه شخصيتي ويقول اني اتمتع بالثقه الزايده بنفسي
بس يعتبروني شخص غامض
....

أتمنى ان تفيديني بشي

تحياتي لك

أختك سيد الذوق
التعديل الأخير تم بواسطة سيدة الذوق ; 2008-10-11 الساعة 3:50 AM.