هلا بك اماااني
وشاكره لك عالموضوع
وللاسف كثير ما نقابل مثل هؤلاء المعاقين بقلوبهم ومشاعرهم وربما بجهلهم؟؟
فللاسف يجهل هؤلاء ان المعاقين اي انجاز يصلون له بعد الله هو ثمرة جهد سنين
علاج طبيعي وعلاج وظيفي وجلسات نطق وووووووو..الخ
رحلة تمتد لسنوات وسنوات ليل ونهار مستشفيات وعيادات ومراجعات
واي تحسن 1 بالمئه ,, يفتخر فيه هذا المعاق,,,واهل هذا الطفل
وهو ثمرة جهد وتعب ودموع وعمل وامل وألم لايعلم به الا الله؟
وذكرتني كلماتك بموقف حصلي... بس طبعا بحسن نيه
ويااااااااه يا كثر هالموقف من الغريب والقريب!!
اذكر جدتي
تنصحني ,,, وتقولي ...
تزوجي ياا بنيتي ضيعتي عمرك على هالبنت الي ما منها فايده"؟؟؟؟؟؟؟؟؟؟؟؟
(بتكحلها عمتها هيهي) ياحليلتها جدتي
...
واذكر معلمه الله لا يسامحها
حينما دخلت بنتي المدرسه..وكنت بطير من السعاده
مو مصدقه ان حلمي تحقق وابنتي الان دخلت تمهيدي للاستعداد لدخول المدرسه
فحصل لي موقف مع معلمه لهااا...
اخبرتني بأن لامكان لبنتي بالصف؟؟؟؟
وايضا بالباص رفضت ان تسجلها؟ على الرغم اني اخبرتها اني سأدفع رسومها ورسوم دادتها المرافقه لها
لكن قالت: بناتنا بالمدرسه اولى من دادة بنتك؟؟؟؟؟؟؟
اذكر طلعت وانا ابكي وابكي بحرقه لدرجة عمري مابكيت مثل هاليوم
وجاني تحدي قوي...ان اسحبها من المدرسه وادخلها ليست تمهيدي لكن مدرسه على طول,,لاثبت للمعلمه ان الاعاقه الجسديه لاتعني الاعاقه العقليه؟
وبالفعل اخرجت بنتي من المدرسه وادخلتها مدرسه ثانيه وبالصف الاول ...ونجحت بتقدير ممتاز؟ بالصف الاول والثاني ولله الحمد
وعوضها الله بمدرسه ومديره ومعلمات وطالبات الكل يساعدها ويهتم بها ويحبونها كثيرر .
انا اعتبر بنتي هي نجاحي الوحيد
وكل سنه تفاجأني بأمل وحلم لي يتحقق؟
وكلما نظرت اليها اشعر بفخر بها وبنفسي
ويكفيني ان الاطباء اخبروني انها مستحيل تمشي , ومستحيل تدرس؟
وارداة الله فوق توقعاتهم وتأكيداتهم
ومشت والان هي بالمدرسه العاديه وتقديراتها دائماممتاز والفضل لله
وانا فخوره بهاااااااااااا كثير كثير كثير
فخوره بتحملها بصبرها بقوتها ,بابتسامتها التي لاتفارقها مهما سمعت من كلام المعاقين بمشاعرهم
ويكفيني انها تصلي وهي لم تتجاوز الثامنه بالعمر....وتكتب...وتستخدم الكمبيوتر بمهاره على الرغم ان بها شلل نصفي...
...
لذلك لا اهتم بهولاء المعاقين الذين نقابلهم انا وهياا بشكل مستمر وبكل مكان؟
واعتدنا عليهم.
ايضا زميله لي ابنتها الوحيده معاقه...وحين اردات ادخالها المدرسه
اخبرتها المديره المحترمه مربية الاجيال...وبالحرف الواحد .(( ما اقدر اقبل بنتك واخسر عشره مقابلها))...!!
يووووه كثير ه هالمواقف الي نصادفها يا اماني نحن اهالي الاطفال المعاقين ,,وايضا الاطفال انفسهم...من المعاقين بقلوبهم ومشاعرهم؟
....