هلا بك أختي أولا الله يفرج همك ويهدي أمك ويزرع المحبه بينكم يارب ثانياَ أختي حرام تعالجين الغلط بغلط يعني عشان مافيه أحد يكلمك تروحين تكلمين شباب والله والله والله إن ربك أرحم لك منهم ليش إذا كنتي متضايقه ليش ماتروحين تتوضين وتصلين وتدعين إن ربي يهدي أمك ويسخر لك قلبها وتبكين وتتضرعين لله سبحانه والله بتشعرين براحه ولاتقولين أنا أبغى أحد أسولف معه وأشكي له من أمي وبعدين ليش تروحين تشكين عند الشباب اللي تكلمينهم تأكدي ألف في الميه إنه لو أمك تدري عن هالمكالمات راح يزيد كرهها وعصبيتها عليك لأنها بتحس إنها ماعرفت تربيك بالعكس خليها تشوف إنها أحسنت تربيتك إذا نادتك قولي لبيه وإذا طلبت شئ قول أبشري إن شاءالله وإذا سوت شئ لكم قولي الله يخليك لنا يانور البيت بتقولين ماأقدر أكرهها صدقيني هذا الشيطان يبغى يفرق بينكم تعوذي من إبليس وجربي هالطريقه اللي قلت لك وتوددي لها وحاولي مهما صدتك تورينها إن مالك غيرها وبعدين أختي إتركي هالمكالمات اللي بتخليك تخسرين دينك ودنياك وصدقيني مهما دعيتي وأنتي تسوين هالمعصيه ماراح ربي يستجيب دعواتك خلك مؤمنه إيمان كامل بأن الله هو الوحيد اللي راح يستجيب دعوتك بالهدايه لأمك وأن يزرع محبتك في قلبها وأن يرزقك رب الزوج الصالح اللي يفرح قلب أمك وأبوك وبعدين أبوك صدقيني ماهو ضعيف شخصيه بالعكس لأنه هو عارف إن أمك حنونه وفي الأساس طيبه مايقدر يقولها شئ لأنها ماراح تسوي شئ يضر عيالها وإذا على المشايخ لاتمثلين إنه فيك شئ بسم الله عليك بالعكس علميهم بكل اللي تحسين فيه عشان يقدر الشيخ يعالجك مو تروحين لشيخ ويقرا عليك آيات السحر والمس وأنتي بسم الله عليك مافيك شئ ،،أدري طولت عليك بس والله إني نصحتك مثل أختي وأنتي أختي في الله ،،،وأسأل الله العظيم رب العرش العظيم أن يسخر قلب أمك لك ويهديها ويرزقك بالزوج الصالح ويشرح صدرك للإيمان وطاعة الرحمن اللهم آآآآمين ،،
وإذا ممكن أطلب منك طلب وش رأيك بكره الإثنين تصومين معي وتدعين ربك لأنك دعوت الصايم مجابه بإذن الله وقت الإفطار وأنا ماراح أنساك من دعواتي إن شاءالله أتمنى ماأكون ثقلت عليك...
ومره ثانيه أقولك آسفه لأني طولت عليك،،