السلام عليكم ورحمة الله وبركاته
سبحانه اللي يفرج الهم والضيق
هذي هي الدنيا حظوظ وتوافيق
كل(ن) يجي حظه على ماكتب له
أحد(ن) يجي رزقه بعد غصة الريق
وأحد(ن) يجي رزقه واهو ماتعب له
وأحد(ن) توفق وأحد(ن) ماش توفيق
قانع بحظه وراضي بما انكتب له
سبحان من قسَم حظوظ المخاليق
كل(ن) خذا رزقه ولو ماحسب له
سبحانه اللي يفرج الهم والضيق
اللي لخلقه مد خيره وحبله
واللي يحقق رغبتك خير تحقيق
اليا رفعت ايديك وأيمت قبله.
**********************
للشاعر/مناحي بن فارس.