:
البارحه ما بين همي والأوراق
جر القلم طاروق حزنً يسليه
واسترسلت أبيات شعري من اعماق
الموقف اللي مر وأزريت أعديه
موعد لقا مبني على نية فراق
كان الأخير وضيق الصدر طاريه
ولاهي غريبه لو أقول الصدر ضاق
لكن الأغرب كيف ما اودعه فيه
كانت دموعه تختنق بين الأحداق
ونظرات عيني تقتله ثم تحييه
كني جلست أعلمه كيف يشتاق
وكنه يعلم شعري شلون يرثيه
شح الزمن بمواصله والمسا ساق
حزن القصايد والعتب والمشاريه
ياليل والله ما ورى ليلك اشراق
النور عانه يسحبه في خطاويه
:
ليلة فراق ...!
وما أقسى من ليلة فراق ...!
:
معزوفة شعرية حزينة لشاعر رقيق وهاديء
عزفت على أوتار قلوبنا وفي قلوبنا مايكفي من الحزن وهم الفراق
:
شكرا لك اختي : سيد الذوق
اختيار مميز كعادتك وراقي .
: