[رحماك-ربي]

السلام عليكم ورحمة الله وبركاته
اوخيتي الله يصبرك ويعينك ,,,بس نصيحة مني انسي الي صار وأبدأي مع زوجك صفحة جديدة
واتقربي منه اكثر وأحرقي قلبها أكثر لا تخليها تفرح عليكي وتدمر حياتك ,,وانتبهي لنفسك
اصلا زوجك ما راح يرجع لها ابدا ,,لأنها درس هو استفاد منه ,وهذة نزوة تمر بكثير كثير من الرجال في مرحلة من العمر
ومدام رجعلك معناها انتي الأفضل بس هو كان محتاج شىء معين وجرب ورجعلك
علشان كذا حافظي عليه ولا تخلين احد يقدر يأخذه منك مهما صار حاربي علشانه
وتلاقيههو تغير لأنه خايف يخسرك لأنه عرف قيمتك فلا تتهوري وتدمري حياتك
وبعدين هذة الحرمة متعودة على الرجال وتعرف كيف تتعامل معاهم وتأخذ الي تبي منهم
وتكذب عليك علشان تحرق قلبك ,,فلا تسمحي لها بذلك
احسن طريقة اقولك عليها لا تسمحين لأحد انه ينكد عليك
اذا سمعتي منها شىء قولي عادي ما يهمني
الحمد لله زوجك رجعلك وأحسن من اول ,,واذا قالت كان يسوي معاي كذا وكذا قولي
عادي كان يتسلى بيكي لحد ما ملك ورجع للحبيب الاولي
يعني بصريح العبارة طنشي كل الي فات وانسي ولا تحكين فيه ابدا لانك تتجررين الألم
والمطلوب النسيان النسيان وابدأي من جديد خليكي قوية وما يهزك ريح
وترا ماهو اول رجل يسويها ,,بس بعضهم ما احد يدري عنهم
ويجرب ويرجع لأهله ما حد درى فيه ويرجع لزوجته أحسن من اول
صدقيني اقولها من تجربة وناس ثقات
الله غفور ويسامح وهو قادر على انه يعاقب
ليش احنا يا البشر ما نسامح وحنا اصلا ما بيدينا شىء
نصيحة ثانيه لا تجيبي سيرة الماضي قدام زوجك ابدا ولا كأنه سوى شىء علشان هو ينساها بعد
عيشي حياتك من جديد ودافعي عنها بتمسكك بزوجك واحترامه ورعايته
ودلليه وشوفي ايش يحب سويه بدون سلبيه او تبعية
أسأل الله العظيم ان يوفقك ويؤلف بين قلوبكم ويجمع شتاتكم ان سميع مجيب