السلام عليكم ورحمة الله وبركاته
ياشينها لآصرت في بعض الآحيآن
ياشينها لاصرت في بعض الاحيان
تضغط على نفسك ولو كلك جروح
من شان مايزعل من أسبابك فلان
ويرحل من الضيقه وهو شبه مجروح
جمعت لك من دورة الوقت خلان
يوم الغلآ ماهو سوآليف ومزوح
واليوم من صكات الايام تعبان
وعلى فراش الهم مرمي ومطروح
ولامنهم اللي من بعد غيبتك بان
وقال الخطأ في غيبتك كان مدموح
هذي نوآتيج العطايا والاحسان
ترجع وطيبة خاطرك تتلف الروح
أما سرى ليلك على عذب الالحان
وتصد بابن للهجر كان مفتوح
وألا تهامل دمع عينك مسيّان
والسر في حضرة مدامعك مفضوح
لاتنثني للوقت لو كان ماكان
ولاتبدي اسرارك على غير مصلوح
العمر يآما شتت قلوب الاخوآن
والحزن يكسر قلب ويعمّر صروح.
""""""""""""""""""""""""""""""""""""
للشاعر/ محمدالعصيمي.