السلام عليكم ورحمة الله وبركاته
هذي هي الدنيا بها (الحلو والمر)
بعض الكلام ايعدي الاذن ويمر
أولى به التطنيش لي عن مرده
ولو الزمان يضيق ماضاق في حر
والحر لو يضيق ماباح سده
وهذي هي الدنيا بها الحلو والمر
ولا فيه احد جاته على كيف وده
وانا صبور اصبر لو اصبحت في ضر
صبر الذي يرجي فرج يوم ( غده )
وعزي للذاتي شي للخاطر يسر
ويا نفس دومي في رضا وفِي موده
وعزي لكي اغلى من اللول والدر
ولو ماكسبت الا شقى هالمكده
وباكر لنا ايامنا ويش بتجر !!؟
مايندرى وكوني لها مستعده
والله يجيب النفع وهو رافع الضر
ومن ضدنا في سوه الله يضده
بعض النفوس اتبين الود وتصر
البغض .. وهذا طبعها ، مستبده
ولو الزمان يضيق ماضاق في حر
والحر لو يضيق .. ماباح سده.
^^^^^^^^^^^^^^^^^^^^^^^^^^^
للشاعر/ مرضي البلوي.