أقبلت مثل الفرس لا سمعت طبول الحرابة
.. مقتفيها ليلً أسود والنجوم يفرقنه
حلم مدري علم مدري نوض برقً في سحابة
.. أثرها طلة جبينه يوم زاح الليل عنه
النهار يمر ويعدي وليله في عقابه
.. النحر صبحً تجلّى والجدايل كنّهنّه
مخملً يلتف فوق الجيد الأتلع بالنيابة
.. عن سلاسيل الذهب والماس خوف يجرحنه
غاب عني والوله خلاه عندي في غيابه
.. مادرى إن فرقاه نار ولا درى إن لاماه جنة
الغلا جسمً رقيق ومرهف احساسي ثيابه
.. مثل غصن الورد يوم إن الهبايب يطرقنه
مازرعت إلا غلاه ولا نقلت إلا صوابه
.. والحشا ماضاق من خضر الطعون المستكنة
ياحبيبي مازها كف الخضاب إلا خضابه
.. فيه نظم المفردات وفيه للعشاق عنه
الظبي ماله شبيه وبينك وبينه تشابه
.. إلتفت بشويش وألقى فيه منك وفيك منه
قاله اللي ماخذا مما يريد الا هبابه
.. خيرة الفارس ثنية خيل صفرا مستعنه
سلطان الهاجري
..