2018-09-02, 7:13 PM
|
|
لوكان سحر وفيـه مايكسـر القيـد
.. في ضامر اللي مالـه الا القوافـي
اشغلت عمري معه قبـل المواعيـد
.. واتعبت روحي معه سفن ومرافـي
ابعد به مقرب واقـرب بـه ابعيـد
.. وبـلاد لاضاقـت بـلاد ومنـافـي
واقريه من كبـد طوتهـا اللواهيـد
.. واسقيه من دم العـروق الصخافـي
غيبت وابعـدت المـدى والمواريـد
.. وامسيت لا صاحي ولانيـب غافـي
وين انت من دنيـاك يانافـل الغيـد
..هذي ثلاث الهجر عقب التصافي
كنك بنيت الصدر في زامـي البيـد
.. ظل وذرى مع كل هم امتلافـي
يفدى قدمك الشعر واهـل المناقيـد
.. والصد ودروب النـوى والتجافـي
تنشد عن احوال الليـال السراميـد
.. شفني وعن مايبـدي الشعـر كافـي
لاصار منك يذوب صـم الجلاميـد
.. وش لون قلبي يابعـد كـل وافـي
لبيـه ثـم لبيـه ياتـالـع الجـيـد
.. يا مجهرً بالشمـس والليـل ضافـي
والشعل ورموش لحضهـا مطاريـد
.. وآحد وامضى من حديـد الرهافـي
واللي يذوقه مثـل خمـر العناقيـد
.. مع لـول يخفيهـا عقيـق الاشافـي
واليا طرت بحتـك ياقايـد الصيـد
.. بيحت مع عـض البهـام الخوافـي
خالد العتيبي
اعتذر عن الاطاله
..
|