السلام عليكم ورحمة الله وبركاته
عيون الناس
على قد الوضوح اللي قريته في عيون الناس
على قد الفرح ماخان روٍح ضاع مرساها
اكذِّب من يقول إن الحقيقه دائمًا إحساس
وأصَّدِق ِمن براهين الوجوه أبعاد معنا ها
أنا في واقعي مالي سوى ترنيمة الكراس
أزف اوجاعي لماها وأجردها عن اقصاها
أخاف إانه يجاذبني من أحلام الخفاء وسواس
ويغوي نيتي قدام ناٍس خاب مسعاها
وأخاف اني على شهد النواظر يحتويني باس
ويرتاح العدو وتصِفق إيدينه بدعواها
وأنا والله ما همتني أدناسٍ عليها الماس
واعرف إني على وعد القلوب البيض واهواها
ولكن كِلما حاولت أبِين للوفاء مقياس
لقيت إنه على إيدين الخيانه ماتعداها
يحِن لعزلتي وجهٍ رسمته بالخطا في كاس
من أيام القلوب الطيِّبه وعيون ذكراها
وإلا مني على باق الوفاء غرتني الأجناس
ابَّكذِب وجوه الناس وأرجع وحدي أقراها
ياعِل إنه على طول الصبر يرتاح بي لِحساس
وأبيِّن فكرتي وأرفع مداها واكِشف أدناها.
&&&&&&&&&&&&&&&&&&&&&
للشاعره/ نور الوليدي.