السلام عليكم ورحمة الله وبركاته ..
طوى ايامه أكرم شهر وانوى على المسفار
ونفسي سريعٍ بالموادع تهشمها
كريمٍ يجي ويروح ويجدد المشوار
ويلقا ويفقد والمقادير تحكمها
عزاي إن / رب أيامه الواحد الغفّار
إله الشهور وفي يدينه خواتمها
وقبل يشعب ركابه تحيزمت بالاسحار
أودّع فضايل رحمته و اتغانمها
بتسبيح وبتكبير وبحمد واستغفار
واحسّب زكاة الفطر عنّا واقسمها
عسانا نفك وجيهنا من عذاب النار
نفوسٍ تبي رحمتك ربي لا تحرمها
عسانا بيوم الحشر مع زمرة الابرار
بنهارٍ ماينفع كل نفسٍ تندّمها
قضى الشهر وايامه طواها من الاعمار
هني من شعاير مالك الملك عظّمها
ومن لا اجتهد ماعاد تشفع له الاعذار
وياسعد ناسٍ ماتراخت عزايمها
ياربّي وانا في رحمتك والذنوب كثار
ومنك العفو والنفس يارب ترحمها
أنا معْ كرمْك اذل نفسي جلل وإصغار
وهي عن كريمين المخاليق حاشمها
وف اختامها اصلي على المصطفى المختار
عدد من سكن مكه وماطاف محرمها
حمد السعيد ~