[خلوووود الخالد]

/
كم هي سريعة خطى الأيام!
ولكن فقد الأم يبقى حيّا في ذاكرة الروح لا تزيله الأيام ولا تمحوه الأعوام

🌷🌷🌷


تأثرت كثيرا بعد قراءتي لهذا الفيض من المشاعر المتدفقه بحرارة الفقد و الوجدان في هذه الأبيات. فكانت مني هذه المشاركة الوجدانية بأبيات فيها أقول :

يا شوق ابوك اللي رضى بالمقادير
عشرة سنين و فوقها... عام تَمّه..!

من يوم ما قَبّل يد الجود والخير
بآخر وداع و قال اودْعِـك يُمّـه !!

و يوم ن تَلّفَت شاف روحه مثل طير
محتاج له غصِن ٍ حنون يضّمّـه !!

محتاج ينطق كلمة نطْقها غـيـر !
مثل اليتيم اللي ملا الدمع كمّه !

والرجل لو يكبر رجع قلبه صغير
يرجع طفل فالعاطفة شوق لامّـه !

الام كلمة فوق كل التصـاويّر
ثلاث عَظّم حقها نبيّ الامّـه

و من بعدها يا شوق قرر بتغيير
اسمك و صار اسمك من الشوق يُمّه !


َومن يومها ياشوق انتي ترا غير
من يوم ما سمّاك باسم المُـهمـة

والله يرحم جنة الطيب و الخير
فالروح تبقى لو ثرى القبر ضمّه !



🌷🌷

خلوووود الخالد
/