[خلوووود الخالد]

المشاركة الأصلية كتبت بواسطة الدكتور فهد بن سعود العصيمي يا سلام، يا سلام: اليا دخل للنحل يا ناس زنبور يلقى من الحراس ضربة وكية والفرق بيّن بيْن عصفور وصقور ناس عليها سلاح واخرى حفيّة واحدٍ ما عنده غير لغوة وحنجور يِدْوشْ ويبلِشْ بعض الاجواد غيّة نجيه (معكم) نكحل العين بذرور ويقال لاهله (في حياتك بقيّة) ! فتش بمعنانا وقلب بال(سطور) وادع الله انه يرزقك (معرفية) وحاور وشاور واسمع الراي والشور وحنا على شوفتك نذبح ثنيّة

/
حياك د. فهد..

البيت يبنى فوق تأسيس بالدور
بيوت محكومة و تأسيس ميّة

الأصل ثابت له مواثيق و جذور
و فروعها تصل السماوات حيّه

و العلم تبليغ الرسالات و النور
ارث النبوة.. للنفوس الأبيّـه!!

تُجلى بنوره كل غامض و ديجور
نور ٍ على نورٍ وله مقدسيّه

و موقع بشارة بالبشارات مشهور
فهد العصيمي له سياسة جَـلِيّه.

ومن كان بيته من زجاجٍ و مكسور
بيت العصيمي مُحكم بمنهجيّه

و العلم يرفع عن سفاهاتٍ و زور
زكاة ماله بالتواضع عطِيّـة

و العلم واضح لكن الجهل مغرور
واجمل صفات العلم في حسن نية




🌷🌷
/