وبقولك شغله ثانيه...اذا فيه صادقين بالانترنت تلاقيه متزوج شين يبي يتزوج متعه بالسر...كم شهر ويطلقك
وهذولا الي اتوقع بهالمواقع الصادقين
لانه تلاقيه مو عارف كيف يتزوج لان يبي سر وخايف لايقول لشخص يعرفه وتنعرف السالفه فيلجأ للانترنت؟
او تلاقيه يبي مسيار ؟؟
واكيد ماتبي مثل هالزواجه ولا في شي يجبرك تتزوجي مثل هالرجل؟
|
ههههه اضحك الله سنك ياشهلاء .. حكمتي على الشباب الصادق في الزواج بشيون ويدورن متعه والا مسيار وكم شهر ويطلق .. طبعا ربما كان في كلامك اعلاه من الواقع الشي الكثير ولكن بالتاكيد فيه من المبالغه الشي الاكثر ... على العموم ... في الواقع يا اخوان الحديث في هذا الموضوع حديث ذو شجون ... ومن غير مقدمات طويلة عن التطور التكنلوجي اللي نعيش فيه واللي مضطرين ان نعايشه سواء اردنا ام ابينا وتأثيره المباشر على المجتمع والبيئه... لدي وجهة نظر في الموضوع واختلاف وجهات النظر لا يفسد للود قضيه ...
الصراحه اللي انا شايفه وملاحظ بشكل عام من المهتمين في الموضع ان فيه مواقع للزواج كثيره ذات مصداقيه واتجاه سليمين وهمها الاول والاخير توصيل الشاب المناسب بالشابه المناسبه طبعا بعد لائحه طويله من المتابعه والتدقيق مع مراعاة العادات والتقاليد المتعارف عليها في هذا الموضوع ...
يعني بالعامي مثل مافيه مواقع سئيه فيه مواقع جيده .. وصراحه اللي انا ملاحظه ان نسبه كبيره من المشتركين في هذي المواقع الجيده قصدهم الاول والاخير الزواج فعلا ماهو تعرف وكلام فاضي ... وفيها ناس ماشاءالله توفقوا ولله الحمد وتزوجوا عن طريق هذي المواقع والله يوفقهم اكثر واكثر ان شاءالله .. وهم اللي عليهم سوه انهم كانوا جادين في موضوع الزواج ويبون يكملون نص دينهم ويتقون الله في انفسهم ورب العالمين يعطي كل واحد على قد نيته .. والتوفيق اولا واخيرا من عند رب العالمين ..
اذن موضوع الزواج عن طريق الانترنت واقع ملموس بل وفي انتشار سريع واتوقع بعد عشر سنين راح يصير عادي جدا فلان تعرف على فلانه عن طريق موقع زواج في النت وتزوجوا ... اذن هذا الاتجاه هو احد الحلول المتاحه ولكن بالتاكيد ليس افضلها .. فالناس تعودت على عادات وتقاليد متعارف عليها يؤخذ بها في مثل هذه المواضيع وقد لايقبل غيرها اصلا ...
واللي بدا لي من سلبيات هذا الاتجاه و كما ذكره الاخوان والاخوات .. هو عدم المصداقيه في بعض الحالات .. ولكن اعتقد ان فيه احتياطات كثيره من الممكن استخدامها من شأنها ان تحد من هذه السلبيه .. وايضا اعتقد ان راح تتضح رؤية المرسل ونيته مع اول كم رساله .. يعني ما يحتاج ان الموضوع يطول ويوصل لاشهر كما حصل في الواقعه اللي ذكرتها الاخت شهلاء او غيرها من القصص .. لان طول الاخذ والعطا في هذا الموضوع وبشكل غير رسمي يفقد الموضوع مصداقيته ...
وارى ان الشاب او الشابه يضع شروط واضحه وصريحه في شريك حياته يكون الاتصال بناء على توفر هذه الشروط اقتصارا للوقت والردود ايضا .. يطلب فيها مثلا ذكر المعلومات اللتي تدل على مصداقيته كالاسم الرباعي والعمر والعمل الخ الخ ... ولقد لاحظت اتجاه بعض الاخوات ان تذكر في مجمل اعلانها ان الاتصال سيكون عن طريق اخوها او والدها ... يعني اخوها او ابوها هو اللي بيشيك على الايميل :) واعتقد ماراح يرسل الا الجاد جدا ...
في النهايه كما ذكرت هذا الاتجاه احد الحلول المتاحه واللي اعتقد انها تساهم بشكل فعال في مشاكل التاخر بالزواج والبحث .. بل اني رأيت في احد المواقع قسم خاص للاخوات اللي لا يمانعون من التعدد :) اذن النصيحه لمن اراد هذا الاتجاه توخي الحذر والحرص الشديدين وما تشاؤن الا ان يشاء الله رب العالمين ... واعتذر عن الاطاله