أمــــــــي
قصيدتي زاد في عيوني جمالها = وأخذت أنقي بالمعاني جزالها
أكتب معانيها من الشوق والغلا = لأمي وأنا أصغر شاعراً من عيالها
كتبتها في غربتي يوم رحلتي =لما طرا لي بالسفر ما طرا لها
أمي وانا بوصف لها زود حبها=وإن ما حكيت لها قصيدي حكا لها
أمي لها في الجوف والقلب منزله = مكانة ما كل محبوب نالها
أقرب من ظلالي وانا وسط غربتي = وأنا تراي اقرب لها من ظلالها
ما شافت عيوني من الناس غيرها = ولا خلق رب الخلايق مثالها
أغلى بشر في جملة الناس كلهم=وأكرم من يدين المزون وهمالها
أتبع رضاها وارتجي زود قربها = واللي طلبت من حياتي وصالها
الصدق مرساها والاشواق بحرها =والعطف واحساس الغلا راس مالها
أهيم فيها وابتسم يوم قلبها = يسأل وأنا قلبي يرد سؤالها
وإن طلبتني شي فزيت مندفع = أموت انا واحمل تعبها بدالها
اصبر على الدنيا والاحزان والتعب = واحمل على متني فطاحل جبالها
واسهر واعذب راحة القلب بالشقى = واعيش اعاني بس يرتاح بالها
تربية ابوي اللي على الطيب نذكره=اللي وهبني للحياه ومجالها
نور لي دروبي وأنا طفل مبتدي=حتى تركني واحداً من رجالها
الوالدين اولى بالاحسان لأجلهم=واولى بتكريم النفوس وعدالها
أقولها وأنا على الله متكل = والله عليم بقدرتي واحتمالها
يا كلمة أغلى من الناس كلهم = يا شمس في قلبي بعيد زوالها
يا فرحة تملي لي الكون بأكلمه = يا شجرة تكبر ويكبر ظلالها
تضحك لي الدنيا لا شفت زولها = مثل السما تزهى بطلة هلالها
والبعد عنها يا أهل العرف ما اقدره =لا شك ناري زايده باشتعالها
ما أعيش ببلاداً ولا اهيم بالرهى =ولا أبي عيوني كان ما هي بقبالها
أرضاً تدوس أمي بالأقدام رملها=اموت فيها وأندفن فيها
/
\
الـشـاعـر / حـامــــد زيــــد