[الدكتور فهد بن سعود العصيمي]

الحمدلله والصلاة والسلام على رسول الله وعلى آله وصحبه أجمعين وبعد:
هذه القصيدة مهداة لمعالي الشيخ الغالي سليمان بن عثمان الفالح حفظه الله ورعاه، وأرجو أن تنال على رضاه وإعجابه.

	1حضرت اليوم للي علومه ترفع الرآس= ولد عثمان سلمان تشهد له فعوله 2على العليا يحلق كمانه طير قرناس= تعلّى في سما مجد ما مثله يطوله 3له فعول عجيبة تنومس كل محتاس= أقوله والخلايق ترا قبلي تقوله 4ليا العسرات كثرت وضاقت كل الأنفاس= لها رجل متمرس وزارة ثم دولة 5صليب الراي سبب لخصمه كل وسواس= وله حجه كلام الله ومنهج رسوله 6له أفعال عجيبة تجي في كل مجلاس= ولو حاولت أوصف لها والله مهولة 7يا كم مهموم جاله وفكره فيه هوجاس= همومه ضاق فيها الفضا عرضه وطوله 8يرحب به يهلي كلامه معه لا بآس= ولا تآخذ همومه معه يا كود جولة 9تشوفه بالبحار العميقة دوم غطاس =بحور ما تنبّه لها ناس جهولة 10معه من علم أرسطو وأحمد وابن عباس= وله همة ونفسه أبد ماهي ملولة 11لدرب الخير دايم ترا والله عساس=يساعد كل محتاج ما يرجي عمولة 12يجيه الناس في مجلسه أنواع واجناس= وصعبة بالثقافة يعاملها بسهولة 13ياكم واحد من الناس طق أخماس باسداس= فرج له ساعته والمسى ما أرخى سدوله 14يا كم واحد من الناس جا متوشح لباس= يخلونه ومثلك تراهم فسحوا له 15معه حلم وعلم ويتعب كل جلاس=عجزت أحصي معانيه ما تقضي فصوله 16معه يتجر مخاليق من ويلات الأفلاس= بسن أهل الطفولة وسن أهل الكهولة 17ينزل كل واحد محله وزن وقياس= بتفكيرن على الناس أبد ما حسبوا له 18واذا القيفان شحت وصارت تقبل يبّاس=أبختم بالدعا له عسى ربي يقوله 19أقوله ماني طامع بنقد وسط الأكياس= أنا في خير وبعز من ربي ونوله 20لكن اشهد شهادة معك يامعرّب الساس=ترا الفالح سليمان عزّ للحمولة

د. فهد العصيمي
الاثنين 1437/6/1هـ