[ارجو المعذرة]

نفس هذا الموقف انا اصادفة عامة مو مني ولكن من الاطفال في المولات غالبا
الاقيهم يمسكون بعبايتي وينادوني ماما ..ولمن احكي واياهم يتخرعون

المشاركة الأصلية كتبت بواسطة joe1234 مواقفكم حلوة الله يسعدكم... من مواقف الطفولة اللي اثارها تمت معاي الين الحين هي اني كنت طالعة من المدرسة عشان موعد اسنان الوالد و الوالدة ماخذيني و عقب ما خلص الموعد بخير امي قالت حق ابوي ودنا المعرض نشوف شنو جايبين...فانا من كثر الشطة و انا امي في المعرض ما انتبهت انه امي و ابوي وقفو يشوفون البهارات و تميت امشي باطمئنان لانه كان جنبي رجال لابس ثوب و غترة فعبالي انه هو ابوي و امسك ثوبه و اقوله ابي ماي...مسكين هو تخرع و انا تخرعت و تم يسالني تبين ماي و انا اقول لا و اركض ادور ابوي و امي و الاقيهم عند البهارات و من كثر الخجل و الاحراج راسي صدع و قلت حق امي راسي يعورني و فجأة الا الرجال نفسه يكلم ابوي و يقوله تفضل هذه غرشة الماي و شرح حق ابوي الموقف و انا ما غير انخش ورا امي...و سبحان الله لين اليوم اذا كنت في مكان مليان بهارات يصيدني نفس الصداع بالضبط...شي نفسي هههههههه و اسفين طولنا عليكم :)