[سطح المكتب]

ههههههه مواقف حلوه ، اذكر ايام الدراسة كانت فتره امتحانات ، وكان الامتحان او الماده القبل الأخيره امتحن فيها يعني كنت ومجهده جدا جدا ، و اتصلت على زميلتي اسألها عن شي في الماده وانا كنت مخلصه منها والوقت ليل ، وسألتها قالت ليه انت تسألني عن هذه الماده هذي مو امتحانها بكره ، انا وقتها انصدمتتتت هههههه وجلست ابكي في التلفون بشكل هستيري ، وهي المسكينه تحاول تهديني وتقول لي في وقت في وقت مع انه الوقت ليل هههههه . طبعا سكرت عليها و مسكت نفسي و فتحت كتاب الماده الثانيه ههههه واذاكر منه . بس الحمد لله عديت على خير ....................... بعد من الموافق اللي حصلت لي ، بنت اختي متعوده تنام عندنا لما كانت في عمر صغير ، المهم قمت الصباح الباكر متوجهه الى الحمام الله يعزكم الحمام هذا شويه بعيد ، و المكان هادىء مره وسكون وفيه شوية ظلام ....... والإ اشوف أصابع يد صغيره تخرج من باب الحمام بكل هدوء انا هنا تسمرت مكاااااني ههههههههه ، والباب سحاب يعني منظر الاصابع وهي خارجه وتتحرك مخييييف هههههه ، وما جاء في بالي انها بنت اختي لان هي ما تصحى في هذا الوقت والمكان بعيد وسكون ، فضلت متسمره فتره لين ما استوعبت انه بنت اختي طالعه من الحمام .